Mańǵystaý oblysyndaǵy oqý-jattyǵý kezinde áskerı qyzmetshilerdiń qaza tabýyna baılanysty qyzmetke nemquraıly qaraý jáne keme júrgizý erejelerin buzý faktisi boıynsha qylmystyq is qozǵaldy. Bul týraly Úkimettik komısıa otyrysynda İshki ister mınıstriniń orynbasary Sanjar Ádilov baıandady, dep habarlaıdy infohub.kz saıty.
Sóz Qazaqstan Respýblıkasy Qylmystyq kodeksiniń 453-babynyń 2-bóligi («Qyzmetke nemquraıly qaraý, aýyr zardaptarǵa ákep soqqan») jáne 465-baby («Keme júrgizý erejelerin buzý») týraly bolyp otyr. Tergeý aıasynda vedomstvoaralyq jedel-tergeý toby qurylyp, tergeý jáne jedel-izdestirý is-sharalarynyń kesheni júrgizilýde, mamandar tartylyp, qajetti sot saraptamalary taǵaıyndaldy.
Qazaqstan Premer-Mınıstriniń orynbasary Qanat Bozymbaev bolǵan oqıǵanyń barlyq mán-jaıyn tolyq kólemde qysqa merzimde anyqtaýdy jáne tragedıaǵa kináli adamdarǵa shara qoldanýdy tapsyrdy.
Otyrysta qaza tapqan áskerı qyzmetshilerdiń otbasylaryna erekshe nazar aýdaryldy. Premer-mınıstrdiń orynbasary memleket olarǵa qajetti áleýmettik jáne materıaldyq qoldaý kórsetetinin atap ótti.
«Zań boıynsha tıesili materıaldyq kómekten bólek, kómek kórsetkisi keletinderden kóptegen ótinish túsýde. Qazaqstan halqy keńesiniń músheleri qaza tapqandardyń otbasylaryna materıaldyq kómek kórsetetinin málimdedi, olardyń biri árbir qaza tapqan áskerı qyzmetshiniń otbasyna 25 mln teńgeden bóldi. İri bıznes ókilderiniń birqatary da materıaldyq kómek kórsetýge nıet bildirdi», — dedi Premer-mınıstrdiń orynbasary.
Qanat Bozymbaev Eńbek jáne halyqty áleýmettik qorǵaý mınıstrligine Mańǵystaý oblysynyń ákimdigimen birlesip, qaza tapqandardyń otbasylaryna jiberiletin barlyq qarajattyń bólinýiniń ashyqtyǵy men baqylaýyn qamtamasyz etýdi tapsyryp, kómek naqty ári tolyq kólemde kórsetilýi tıis ekenin atap ótti.
Densaýlyq saqtaý vıse-mınıstri Manas Ramazanov baıandaǵandaı, oqıǵadan keıin medısınalyq mekemege jetkizilgen áskerı qyzmetshiniń jaǵdaıy turaqty. Onyń ómirine qaýip joq, oǵan qajetti medısınalyq kómek kórsetilýde.
Otyrysqa İshki ister, Tótenshe jaǵdaılar, Eńbek jáne halyqty áleýmettik qorǵaý, Densaýlyq saqtaý, Kólik mınıstrleriniń orynbasarlary, QR UQK Shekara qyzmeti dırektorynyń orynbasary, Bas áskerı prokýror jáne Mańǵystaý oblysynyń ákimi Nurdáýlet Qılybaı qatysyp, baıandama jasady. Úkimettik komısıanyń jumysy jalǵasýda.
Kaspıdegi tragedıa 24 qyrkúıekte oqý-jattyǵý kezinde boldy. Aýa raıy nasharlaǵanda teńizge 17 áskerı qyzmetshi aǵyp ketti. On eki adam qaza tapty, úsheýi qutqaryldy, qalǵan ekeýin izdeý jalǵasýda.
Áskerı qyzmetshilerdiń qaza tabýy faktisi boıynsha Qazaqstan Bas prokýratýrasy qylmystyq is qozǵady. Buǵan deıin eldiń Qorǵanys mınıstrligi qaza tapqan áskerılerdiń tolyq tizimin jarıalaǵan bolatyn.
Prezıdent Qasym-Jomart Toqaev qaza tapqandardyń otbasylaryna kómek kórsetýdi tapsyryp, 25 qyrkúıekti jalpyulttyq aza tutý kúni dep jarıalady.