Mańǵystaý oblysynyń Beıneý aýylynda jergilikti on sharýashylyqqa tıesili 126 qoı jappaı qyryldy, dep habarlaıdy infohub.kz saıty.
Malshynyń aıtýynsha, qyrylǵanǵa deıin barlyq mal bir sý qoımasynan sý ishken.
Oqıǵa ornynda veterınarlar men aýdandyq aýmaqtyq ınspeksıa qyzmetkerleri jumys istep jatyr. Olar qoralardy zararsyzdandyryp, ólgen maldyń óleksesin arnaıy bólingen jerge kómip tastady.
Mamandar saraptamaǵa synamalar aldy. Mal qyrylýynyń naqty sebebi shamamen 10 kúnnen keıin belgili bolatyn zerthanalyq zertteýlerdiń nátıjesimen anyqtalady.
Buǵan deıin «Kýrsıv» Aqmola oblysynda «Petropavl – Almaty» jolaýshylar poıyzy 13 bas usaq maldy qaǵyp ketkenin jazǵan bolatyn.