Mańǵystaý oblysynyń basshylyǵynda kadrlyq ózgerister boldy: Erbol İzbergenov akımniń birinshi orynbasary, al Bekbol Orynbasarov oblys ákiminiń orynbasary qyzmetine taǵaıyndaldy. Tıisti ókimder Qazaqstan Respýblıkasy Prezıdenti Ákimshiliginiń kelisimimen qol qoıyldy, dep habarlaıdy infohub.kz saıty.
Erbol Kýrentaıuly İzbergenov 1973 jyly 11 tamyzda Mańǵystaý oblysy Qaraqıa aýdanynyń Quryq aýylynda dúnıege kelgen. Eńbek jolyn 1991 jyly «Mańǵystaýmunaıgazbarlaý» keshendi ekspedısıasynyń qurylys-montaj ýchaskesinde qalaýshy bolyp bastady.
Ár jyldary qurylys uıymdarynda, Aqtaý qalasynyń ákimdiginde jumys istep, Munaıly aýdany ákiminiń orynbasary jáne oblystyq qurylys basqarmasynyń basshysy boldy. Sondaı-aq Qazaqstannyń Investısıalar jáne damý mınıstrliginde, Densaýlyq saqtaý jáne áleýmettik damý mınıstrliginde basshylyq qyzmetter atqardy.
2019–2020 jyldary «Aqtaý teńiz porty» AEA» AQ basqarma tóraǵasynyń orynbasary bolyp, keıin «Atameken» kásipkerlerdiń óńirlik palatasyn basqardy. 2020–2023 jyldary Aqtaý ákiminiń orynbasary jáne ákimi qyzmetterin atqardy. 2024–2025 jyldary Mańǵystaý oblysy ákiminiń birinshi orynbasary bolyp, 2025 jylǵy 2 qyrkúıekten bastap oblys ákiminiń orynbasary qyzmetinde boldy.
Bekbol Tileýmuratuly Orynbasarov 1971 jyly 18 maýsymda Mańǵystaý oblysynyń Túpqaraǵan aýdanynda dúnıege kelgen. Eńbek jolyn 1993 jyly «Baýtınskı» keden beketiniń ınspektory bolyp bastady.
Keıin bank salasynda, Aqtaý qalasynyń ákimdiginde jáne óńirdiń memlekettik organdarynda jumys istep, qala ákiminiń orynbasary jáne Aqtaý ákimi apparatynyń basshysy qyzmetterin atqardy. 2006–2010 jyldary Ekonomıka jáne búdjettik josparlaý mınıstrliginde jáne «Qaspı» ÁKK» AQ-da jumys istedi. 2010–2019 jyldary «Otyrar Enerdjı» JSHS men «Adaı» JSHS-in basqardy.
2020–2021 jyldary Orynbasarov «Aqtaý teńiz porty» AEA» AQ basqarma tóraǵasy, al 2021–2023 jyldary Mańǵystaý oblysy ákiminiń orynbasary, keıin birinshi orynbasary boldy. 2023–2026 jyldary Qazaqstan Parlamenti Senatynyń VII jáne VIII shaqyrylymdarynyń depýtaty bolyp, Qarjy jáne búdjet jónindegi turaqty komıtetiniń quramyna kirdi.