Mańǵystaý oblysynda esepte turǵan azamat jazasyn óteý tártibin birneshe ret buzǵany úshin sotqa tartyldy, dep habarlaıdy infohub.kz saıty.
Vedomstvonyń Instagram-daǵy resmı paraqshasynda habarlanǵandaı, Túpqaraǵan aýdandyq sotynda probasıa qyzmetiniń esebinde turǵan sottalǵanǵa qatysty kórsetpeli sot otyrysy ótti. Oǵan basqa da esepte turǵan azamattar qatysty.
Qaralǵan materıaldarǵa sáıkes, sottalǵan adam jazasyn óteý tártibin birneshe ret buzǵan. Atap aıtqanda, turǵylyqty jeri boıynsha bolmaǵan, birneshe táýlik boıy úıde kórinbegen, sondaı-aq jumysqa ketkeni týraly probasıa qyzmetiniń qyzmetkerlerin habardar etpegen.
Sonymen qatar, probasıa qyzmetiniń esebinde turǵan adamdar arasynda júrgizilgen narkologıalyq skrınıng barysynda onyń bıologıalyq synamasynda esirtki zatynyń belgileri anyqtalǵan.
Jiberilgen buzýshylyqtarǵa baılanysty probasıa qyzmeti sotqa jazasynyń ótelmegen bóligin bas bostandyǵynan aıyrýmen almastyrýdy surap usynys engizgen.
Sot materıaldardy qarap, probasıa qyzmetiniń usynysyn qanaǵattandyrdy.
Sot sheshimine sáıkes, sottalǵan adam sot zalynda qamaýǵa alynyp, jazasynyń qalǵan bóligin óteý úshin qylmystyq-atqarý júıesi mekemesine jiberildi.