Mańǵystaý oblysynda komýnaldyq kásiporynnyń 165 qyzmetkerine 29 mıllıon teńge kólemindegi jalaqy bereshegi óteldi. Buzýshylyqtar Qaraqıa aýdanynyń prokýratýrasymen anyqtaldy, dep habarlaıdy infohub.kz saıty.
Qaraqıa aýdanynyń prokýratýra qyzmetkerleri «Turmys-Servıs» memlekettik komýnaldyq kásipornynda eńbek zańnamasynyń saqtalýyna taldaý júrgizdi. Eńbek kodeksiniń 113-babyna sáıkes, jalaqy aıyna keminde bir ret, kelesi aıdyń birinshi onkúndiginen keshiktirilmeı tólenýi tıis.
Taldaý barysynda kásiporynnyń 165 qyzmetkerge jalaqyny ýaqytynda tólemegeni anyqtaldy. Prokýrorlyq qadaǵalaý aktisi boıynsha jumysshylardyń buzylǵan quqyqtary qalpyna keltirildi: jalaqy bereshegi tolyq kólemde óteldi.
Jalaqy tóleý merzimderin buzǵany úshin kásiporyn Qazaqstan Respýblıkasy Ákimshilik quqyq buzýshylyq týraly kodeksiniń 87-baby 1-bóligine sáıkes (jumys berýshiniń jalaqyny tolyq kólemde jáne belgilengen merzimde tólemeýi, sondaı-aq kinásinen keshiktirilgen kezeń úshin ósimpuldy eseptemeýi jáne tólemeýi) ákimshilik jaýapkershilikke tartyldy. Kásiporyn sanatyn eskere otyryp, aıyppul mólsheri 432 500 teńgeni quraýy múmkin, naqty soma prokýratýra habarlamasynda kórsetilmegen.