Dıego Maradonanyń 1986 jylǵy álem chempıonatynda kıgen kapıtandyq tańbasy aýksıonda 512 myń dollarǵa satyldy, dep habarlaıdy infohub.kz.
Sotheby's aýksıon úıiniń habarlaýynsha, dál osy tańba argentınalyq oıynshynyń sol qolynda bolǵan, sol kezde ol Anglıa quramasynyń qaqpasyna ataqty «qudaı qoly» golyn soqqan. Maradona osy tańbamen Ýrýgvaıǵa qarsy 1/8 fınal jáne GFR komandasyna qarsy fınaldyq oıynǵa shyqqan, onda Argentına chempıon ataǵyn jeńip alǵan.
Sonymen qatar, aýksıonda brazılıalyq shabýylshy Peleniń 1958 jylǵy álem chempıonatynyń fınalynda kıgen oıyn fýtbolkasy satyldy. Ol 4,88 mıllıon dollarǵa ketti. Bul oıynda ańyzǵa aınalǵan shabýylshy dúbl jasap, Brazılıa quramasy týrnır ıesi shvedterdi 5:2 esebimen jeńdi.