AQSh Memlekettik hatshysy Marko Rýbıo dúısenbi kúni BUU Bas Assambleıasyna qatysý úshin Nú-Iorkke kelgen Iran delegasıasynan elden dereý ketýdi talap etti. Bul — kelissózder tuıyqqa tirelgen soń qabyldanǵan shara. Aqparatty AQSh sheneýnikterine silteme jasap, infohub.kz saıty habarlady.
Axios dereginshe, Rýbıonyń bul qadamy dıplomatıalyq turǵydan asa sırek kezdesetin eskertý boldy jáne eki el arasyndaǵy tereń senimsizdikti aıqyn kórsetti.
Katarlyq deldaldar AQSh pen Iran arasynda dıplomatıalyq serpilis jasaýǵa tyrysqan, alaıda eki tarap ta jeńilmeýge bel býǵandyqtan, nátıje mardymsyz boldy.
Nú-Iorkten ketýge buıryq alǵandardyń qatarynda Iran Syrtqy ister mınıstri Abbas Aragchı de boldy.
«Dúısenbi tańerteń Aq úı Iranmen kúndizgi kelissózder barysynda ilgerileý bolýy múmkin dep eseptedi. Alaıda kún sońynda kelissózderdiń tuıyqqa tirelgeni belgili boldy. Dúısenbi keshke Rýbıonyń buıryǵymen AQSH-tyń BUU janyndaǵy ókildigi Iran ókildigine Aragchı delegasıasynyń Nú-Iorkten dereý ketýi kerektigin jetkizdi», — deıdi derekkóz.
Eske salaıyq, buǵan deıin Katar ókilderi osy aptada AQSh pen Iran arasyndaǵy qaqtyǵysty retteýde serpilis jasaı almaǵany habarlanǵan bolatyn.