2025 jyly qazaqstandyq marketpleıster búdjetke 400 mln dollardan astam salyq aýdardy. Onyń 266 mln dollary Kaspi.kz úlesine tıesili — bul naryqtaǵy qalǵan oıynshylardyń barlyǵy birigip tólegeninen de kóp. Mundaı derekter Fintech in Kazakhstan zertteýinde keltirilgen, dep habarlaıdy infohub.kz saıty.
Zertteý nátıjelerin Ulttyq bank usyndy. Materıaldy birneshe iri agenttik pen fınteh-kompanıa retteýshiniń qoldaýymen daıyndaǵan. Alynǵan derekterge sáıkes, elektrondyq komersıanyń bólshek saýdanyń jalpy kólemindegi úlesi 17%-ǵa jetti. Salystyrsaq, alty jyl buryn bul kórsetkish nebári 3,7% edi.
Elektrondyq saýda naryǵynyń 92%-y marketpleısterge tıesili. Olardan túsken salyq túsimderiniń jalpy kólemi 2025 jyly 400 mln dollarǵa jetti.
Qazaqstandyq alańdar men tanymal sheteldik marketpleısterdiń qazaqstandyq fılıaldary arasynda kósh bastap turǵandar:
Kaspi.kz – 265,7 mln dollar;
Wildberries – 111 mln dollar;
Ozon – 28,4 mln dollar;
OLX – 5,9 mln dollar;
Halyk Market – 1,8 mln dollar.
Osylaısha, Kaspi.kz tólegen salyq Wildberries-ten 2,4 ese kóp bolyp, naryqtaǵy qalǵan iri oıynshylardyń tólemderiniń jıyntyq kóleminen de asyp tústi.
Buǵan deıin qazaqstandyq salyq organdary habarlamalardy oryndamaǵany úshin marketpleıster men ınternet-alańdardaǵy satýshylardyń akkaýnttaryn tikeleı buǵattaı alatyny habarlanǵan bolatyn.