Marokkolyq 200-ge jýyq zańsyz mıgrant Ispanıanyń Seýta anklavyndaǵy Trampolın jaǵajaıyndaǵy stıhıalyq lagerde baspana berýdi talap etip, narazylyq aksıasyn ótkizdi. Bul týraly infohub.kz saıty habarlaıdy.
RIA Novostı EFE agenttigine silteme jasap, narazylyq bildirýshiler óz talaptaryn qatty daýyspen jetkizgenin habarlaıdy. RTVE telearnasynyń tilshisi Hesýs Navarro jaǵajaı mańynda polısıa kezekshilik etip turǵanyn atap ótti.
Sonymen qatar, Espaniol gazetiniń derekterine sáıkes, Ispanıa polısıasy shilde aıynan beri Seýtada mıgrasıalyq daǵdarys aıasynda jynystyq zorlyq-zombylyqtyń 15 jaǵdaıyn tirkegen. Basylymda áıelder men qyzdar mıgranttardyń jappaı aǵynynan týyndaǵan tártipsizdik pen qaýipsizdiktiń bolmaýy saldarynan zorlyq-zombylyqqa ushyrap jatqany atap ótilgen. Osy qylmystar boıynsha eki adam ustaldy.
Eske salaıyq, 30-nan 31 shildege qaraǵan túni myńdaǵan marokkolyq mıgrant Afrıkanyń soltústiginde ornalasqan Ispanıanyń Seýta anklavyndaǵy shekarany buzyp ótken bolatyn. Ispanıa bıligi áskerdi jumyldyrýǵa májbúr boldy. Juma kúni keshke qaraı mıgranttardyń kópshiligi Seýtadan ketip, Marokkoǵa qaıtyp oraldy. Bastapqyda shekaradan ótýge tyrysqan kezde keminde 57 adam qaza tapqany, olardyń deneleri sýdan alynǵany habarlanǵan.
Marokko İİM mıgranttardyń basyp kirýin shekaraǵa adamdardyń jappaı aǵylýyna ákelgen jalǵan aqparatpen baılanystyrdy.