Jetisý oblysynda polıseıler jol apatynan keıin qashyp qutylmaq bolǵan mas júrgizýshini ustady. Oqıǵa túngi ýaqytta Almaty – Óskemen tas jolynda bolǵan, dep habarlaıdy infohub.kz.
Túngi saǵat úsh shamasynda 112 kanalyna Almaty – Óskemen tas jolynda jol-kólik oqıǵasy bolǵany týraly habarlama tústi. Kýágerler apatqa qatysýshylardyń biri qashyp qutylmaq bolǵanyn aıtty. Polısıa qyzmetkerleri dereý qýǵynǵa shyqty.
Nissan Cefiro kóligi júrgizýshi Qonaev qalasy baǵytynda qashyp bara jatqanda toqtatyldy. Rólde Eskeldi aýdanynyń 25 jastaǵy turǵyny otyrǵan. Aldyn ala málimet boıynsha, er adam sapar aldynda аlkogól iship, sodan keıin rólge otyrǵan. Qaýipsiz qashyqtyqty saqtamaı, ol basqa Nissan Cefiro kóligimen soqtyǵysqan. Medısınalyq kýálandyrý onyń mas kúıinde bolǵanyn rastady.
Quqyq qorǵaý organdary buǵan deıin bul er adamnyń jeti jyl merzimge júrgizýshi kýáliginen aıyrylǵanyn anyqtady. Oǵan qaramastan, ol qaıtadan mas kúıinde rólge otyrǵan.
Kúdikti ustalyp, ýaqytsha ustaý ızolátoryna qamaldy. Fakti boıynsha tergeý júrgizilýde.