Býraı aýdanynyń turǵyny mas kúıinde úsh balasymen kólikke otyryp, qaıtys bolǵan jubaıynyń týystaryna jol tartqan. Alaıda jolda basqarýdy joǵaltyp, jeke turǵyn úıge soǵylǵan, dep habarlaıdy infohub.kz.
Polısıa málimetinshe, oqıǵa Vıshnevoe aýylynda bolǵan. Er adam Lada Largus kóligimen Jaǵaly kóshesimen kele jatyp, qorshaýǵa soǵylyp, sodan keıin turǵyn úıdiń qabyrǵasyna soǵylǵan. Soqqy saldarynan kólik qorshaýdy qulatyp, baqshany zaqymdap, kireberistegi baspaldaqqa tirelgen.
Jol apaty saldarynan júrgizýshiniń balalary zardap shekti — olardy tekserý úshin medısınalyq mekemege jetkizip, keıin úılerine jibergen. Keıin olardy ájesine aparǵan.
Mas júrgizýshi ustalyp, polısıaǵa jetkizildi. Oǵan qatysty Qazaqstan Respýblıkasy Ákimshilik quqyq buzýshylyq týraly kodeksiniń 608-babynyń 3-bóligi boıynsha ákimshilik hattama toltyryldy. Oǵan júrgizýshi kýáliginen aıyrý jáne ákimshilik qamaqqa alý jazasy qaýip tónip tur.
Jubaıynyń týystary nemerelerin óz tárbıelerine alýǵa nıetti.