Máskeý mańyndaǵy Elektrostal qalasynda ornalasqan Wildberries marketpleısiniń logıstıkalyq nysanynda ushqyshsyz ushaq shabýyly saldarynan shyqqan órt tolyǵymen sóndirildi. Bul týraly Wildberries & Russ kompanıasynyń baspasóz qyzmeti óziniń Telegram-arnasynda habarlady, dep habarlaıdy infohub.kz saıty.
Baspasóz relızinde Wildberries komandasy bolǵan oqıǵanyń saldaryn keshendi baǵalaýǵa jáne zardap shekken nysannyń ınfraqurylymynyń jaı-kúıin taldaýǵa kirisetini aıtylǵan.
Kompanıada janǵan logıstıkalyq keshenniń qyzmetkerleri men olardyń týystaryna arnalǵan jedel jeli táýlik boıy jumys isteı beretinin atap ótti. Sondaı-aq olar órtti sóndirýge qatysqan barlyq qyzmetterge shynaıy alǵysyn bildirdi.
Máskeý oblysyndaǵy Wildberries nysanyndaǵy órt 18 shildege qaraǵan túni Ýkraına Qarýly Kúshteriniń ushqyshsyz ushaqtarynyń shabýyly saldarynan boldy. Reseı TJM dereginshe, órt aýmaǵy 25 myń sharshy metrdi qurady. Elektrostalda zardap shekkender bar, bir adam qaza tapty. Órtti sóndirýge birneshe ondaǵan tehnıka men 100-den astam qutqarýshy jumyldyryldy.