AQSh bıligi Bostonǵa bet alǵan medısınalyq ushaq joǵalyp ketken soń alty adamdy izdestirip jatyr. Amerıka Qurama Shtattarynyń Federaldyq avıasıa basqarmasy Bı-Bı-Sıge Gulfstream G-100 ushaǵymen baılanys úzilgenin jáne jergilikti ýaqyt boıynsha saǵat 1:00-den (Grınvıch ýaqytymen 6:00) sál keıin izdeý-qutqarý habarlamasyn taratqanyn málimdedi. AQSh jaǵalaý kúzetiniń Soltústik-Shyǵys okrýginiń habarlaýynsha, Massachýsets shtatyndaǵy Nantaket aralynyń jaǵalaýynda áýe jáne sý izdestirý jumystary júrgizilýde, dep habarlaıdy infohub.kz saıty.
FlightAware ushý derekterine sáıkes, ushaq Bermýd araldaryndaǵy L.F. Ýeıd halyqaralyq áýejaıynan jergilikti ýaqyt boıynsha saǵat 23:40-ta ushyp, Bostondaǵy Logan halyqaralyq áýejaıyna shyǵys ýaqytymen 1:30-da (Grınvıch ýaqytymen 6:30) qonýy tıis bolatyn.
Jaǵalaý kúzeti jarıalaǵan quıryq nómirine qaraǵanda, ushaq pasıentterdi úılerine qaıtaratyn halyqaralyq medısınalyq reısterdi usynatyn Latitude Air Ambulances kompanıasyna tıesili bolǵan. FlightAware trekeriniń kórsetýinshe, áýe kemesi baılanys úzilmes buryn bıiktigin aıtarlyqtaı tómendetip, shamamen 7 300 metrden (24 000 fýt) 3 300 metrge (11 000 fýt) quldılaǵan.