Fransıa quramasynyń shabýylshysy ári kapıtany Kılıan Mbappe Lıonel Messıdiń jetistiginen asyp, álem chempıonattary tarıhyndaǵy úzdik bombardır atandy. Bul týraly infohub.kz saıty habarlaıdy.
2026 jylǵy álem chempıonatynyń úshinshi oryn úshin machynda Anglıa quramasyna qarsy oıynda Mbappe ekinshi taımda dúbl jasady. Eki goldy da vınger Maıkl Olıseniń pasynan soqty. Maqala jarıalanǵan kezde fransýzdar 3:4 esebimen jeńilip turdy.
Endi Mbappeniń mýndıaldaǵy goldarynyń sany 22-ge jetti. Bul argentınalyq Messıden (21) bir golǵa kóp. Aıta keteıik, Messı áli de aǵymdaǵy týrnırdiń fınalynda oınaıdy.
2026 jylǵy álem chempıonatynda Mbappe on gol soǵyp, bombardırler jarysynda senimdi kósh bastap tur. Messı segiz golymen ekinshi orynda.
Sońǵy ret mundaı nátıjelilikti 1970 jyly Gerd Múller kórsetken edi – sol kezde GFR quramasynyń shabýylshysy da on gol soqqan.
Barlyq sport jańalyqtarynan habardar bolý úshin @sportnurkz Telegram-arnasyna jazylyńyz.