AQSH-taǵy eń iri sý qoımasy — Mıd kólinde sý deńgeıi rekordtyq tómendegen kezde adam qaldyqtary tabyldy. Bul oqıǵa Nevada shtatynyń jaǵalaýynda, Arızonamen shektesetin aýmaqta boldy.
Aýmaqta demalyp júrgen eki áıel súıekterdi baıqaǵan. Dıanelıs Molına Krýz KLAS telearnasyna: "Dosym kóldegi tastarmen oınap júrip, jaq súıegin ustap aldy. Qarasa, tisteri men bári kórinip tur", — dedi.
Onyń dosy Noel De Leon sý deńgeıiniń tómendigi tabylǵan jáıtke áser etkenin aıtty. "Sý deńgeıi qalyptydan áldeqaıda tómen. Sý azaıǵan saıyn qańqalar kórine bastaıdy", — dedi ol.
Mıd kólindegi sý deńgeıi 2000 jyldan beri tómendep keledi. AQSh Melıorasıa búrosynyń málimetinshe, ótken aptada deńgeı teńiz deńgeıinen 1040 fýtqa (316 metr) deıin túsip, 2022 jylǵy shildedegi aldyńǵy rekordtan aıtarlyqtaı tómendegen.
Sý qoımasy Klark okrýginde ornalasqan, onyń kóp bóligi qurǵaqshylyq aımaǵynda, dep habarlaıdy AQSh qurǵaqshylyq monıtory. Sońǵy jyldary qurǵaqshylyq kúsheıip keledi, ǵalymdar muny klımattyń ózgerýimen baılanystyrady.
Turaqty ystyq aýa raıy birneshe eldegi ózender men kólderdiń deńgeıin tómendetip, kútpegen jańalyqtarǵa ákeldi. Vengrıada osy aıdyń basynda Býdapeshttegi Dýnaı ózeninen Ekinshi dúnıejúzilik soǵys kezindegi eki nemis soldatynyń máıiti jáne nemis áskerı motosıkli tabyldy.
Dýnaıdan Ekinshi dúnıejúzilik soǵystyń basqa da qaldyqtary tabyldy, onyń ishinde Serbıadaǵy Prahovo mańyndaǵy keme korpýsy. Ulybrıtanıada Rýtlend sý qoımasyndaǵy sý deńgeıiniń tómendeýi Nether Hambleton aýylynyń qaldyqtaryn ashty, ol sý qoımasyn jasaý úshin buzylyp, sý astynda qalǵan edi.