Bloger ári ázilkesh Qanat Tasqan Meırambek Besbaev jóninde pikir bildirdi, dep habarlaıdy infohub.kz saıty.
Onyń aıtýynsha, ánshi dastarhan basynda vıdeoǵa túsýdi unatpaıdy.
«Meırambek aǵa óte saq adam. Ony óte kóp jerlerde qonaq qylady. Bireý telefon alǵan boıda dastarhandy toqtatyp, telefondy alyp: "Qáne, ne túsirip jatyrsyń?" dep suraıdy. Túsirgen adamdy yǵyr qylady. Telefondy dastarhan jaıǵan adamǵa beredi. "Qandaı adamdardy jınadyń? Meni masqaralaý úshin shaqyrdyń ba? Biz munda erkin sóılesip otyrmyz" deıdi. Ol jaı otyrmaıdy — bárin baıqap otyrady. Qazir vıdeolar tarap jatyr», — dedi ázilkesh.
Jeli qoldanýshylary ártúrli pikirler qaldyrýda.
«Bul durys, biz tanymal bolmasaq ta, bizdi túsirgendi unatpaımyz. Árkimniń jeke ómiri bar, jeke ómirde ártúrli jaǵdaılar bolady. Sondyqtan jeke shekarany saqtaý — óte durys», «Demek, jasyratyn nársesi bar», «Eger óziń namysyńdy túsiretin is jasamasań, neden qorqasyń?», «Kúıege jaǵylsań, óziń de kúıe bolarsyń», — dep jazdy oqyrmandar.