2019 jyldyń 1 qarashasynan bastap Qazaqstanda qaǵaz túrindegi mekenjaı anyqtamalary joıyldy. Endi turǵylyqty jeri boıynsha tirkeý týraly málimetterdi eGov.kz portaly nemese eGov Mobile mobıldi qosymshasy arqyly alýǵa bolady. Bul týraly «Ulttyq aqparattyq tehnologıalar» AQ baspasóz qyzmeti eske saldy, dep habarlaıdy infohub.kz NewTimes.kz-ke silteme jasap. Qyzmet memlekettik organdarǵa barý qajettiligin boldyrmaıdy. Eger aqparatty úshinshi tulǵa surasa, derekteri suralyp otyrǵan azamattyń kelisimin rastaý talap etiledi.
Qyzmetti alý úshin eGov.kz portalyna kirip, «Úshinshi tulǵalardyń turǵylyqty jeri boıynsha mekenjaı málimetterin alý servısin» tańdap, azamattyń JSN-in kórsetip, qoljetimdi elektrondy qoltańba tásilderiniń birimen suranysqa qol qoıý qajet. Kelisim rastalǵannan keıin suralǵan málimetter jeke kabınette paıda bolady.
Eske salamyz, jaldamaly páterde nemese úıde 10 kúnnen artyq turatyn azamattar ýaqytsha tirkelýge mindetti. «Turǵyn úı qatynastary týraly» Zańǵa sáıkes, turǵyndardy tirkeý mindeti jalǵa berýshige — menshik ıesine de, onyń ókiline nemese úıdi qosalqy jalǵa berýshige júkteledi. Bul norma 2017 jyldan beri, terorızmge qarsy túzetýler qabyldanǵannan keıin qoldanylyp keledi.
Tirkeýsiz turý úshin aıyppuldar qarastyrylǵan: jalǵa berýshige — birinshi buzýshylyq úshin 10 AEK (43 250 teńge), bir jyl ishinde qaıtalanǵanda 20 AEK (86 500 teńge). Tirkeýsiz turatyn jalǵa alýshyǵa — birinshi buzýshylyq úshin 7 AEK (30 275 teńge), qaıtalanǵanda 13 AEK (56 225 teńge).