Threads áleýmettik jelisinde bir qoldanýshy mektep dápterleriniń muqabalarymen post jarıalady. Olarda qazaqstandyq jastar arasynda tanymal abrevıatýralar ornalastyrylǵan. Bulardy ártúrli túsinýge bolady, dep habarlaıdy infohub.kz.
Máselen, áleýmettik jeli qoldanýshylarynyń nazaryn SHSHS abrevıatýrasy aýdardy. Tómengi jaǵynda «Shyda, shyraǵym synaqqoı» degen jazý bolsa da, áleýmettik jelilerde bul abrevıatýra balaǵat sózben baılanystyrylady.
SGL abrevıatýrasy da osyǵan uqsas: dápterde «Sen grandqa laıyqtysyń» dep jazylǵanymen, jastar ony balaǵat retinde paıdalanady.
Taǵy da «Sýnbıatrm» jáne «....... qys!» degen jazýlary bar dápterler kezdesedi, olar da qazaqstandyqtarda suraq týǵyzady.
Brendtiń áleýmettik jelilerdegi paraqshasynda bul dápterler «motıvasıalyq» dep belgilengen.
Qoldanýshylardyń pikirleri ekige bólindi. Bireýler jazbalardy ádepsiz jáne qurmetsiz dep narazylyq bildirdi. Olar quzyrly organdardyń nege qarap otyrǵanyn surap, dápterlerdi satýdan alyp tastaýdy talap etti.
Endi bireýler ıdeıany kreatıvti dep baǵalady, biraq mektep keńse taýarlaryna jaramaıtynyn aıtty. Sondaı-aq, eger jazba bireýge unamasa, dápterdi móldir emes muqabamen orap qoıýǵa bolatynyn eskertti.