Qazaqstanda balalardy mektepke daıyndaýǵa 23 mlrd teńge bólindi. Áleýmettik osal otbasylardaǵy shamamen 450 myń oqýshy qarjylaı qoldaý alady. Bul týraly infohub.kz saıty habarlaıdy.
QR Oqý-aǵartý mınıstrliginiń málimetinshe, tólemder 2026 jylǵy 1 tamyzdan 30 qyrkúıekke deıin «Vseobých» qory arqyly júrgiziledi. Jańa oqý jylyndaǵy memlekettik qoldaýdyń eń tómengi mólsheri 50 851 teńgeni quraıdy, bul ótken jylmen salystyrǵanda 10 paıyzǵa artyq. Keıbir óńirlerde bul soma joǵary bolýy múmkin — jergilikti búdjettiń múmkindigine baılanysty.
Alynǵan qarajatty mektep formasyn, aıaq kıim men oqý quraldaryn satyp alýǵa jumsaýǵa bolady. Tólem alýǵa jetim balalar, ata-anasynyń qamqorlyǵynsyz qalǵan balalar, az qamtylǵan otbasylardyń oqýshylary, ataýly áleýmettik kómek alatyn otbasylardyń balalary, sondaı-aq qıyn ómirlik jaǵdaıǵa tap bolǵan kámeletke tolmaǵandar ótinish bere alady.
Tólemdi rásimdeý úshin ata-analar nemese zańdy ókilder tıisti qujattarmen bilim berý uıymyna júginýi qajet. Buǵan deıin materıaldyq kómek alýshylar balaǵa qajetti zattardy satyp alǵanyn rastaıtyn qujattardy usynýy tıis ekeni habarlanǵan.