Ақ үйде Алешкидегі гуманитарлық операцияға арналған шара өтіп, оның аясында Ресей мен Украина өкілдерінің жеке кездесуі болды. Америка Құрама Штаттарының бірінші ханымы Мелания Трамп осы өкілдер арқылы екі елдің көшбасшылары — Владимир Путин мен Владимир Зеленскийге жеке хабарлама жолдағанын infohub.kz сайты хабарлайды.
Америка көшбасшысының жұбайы Ақ үйде Алешкидегі гуманитарлық операцияға арналған сөз сөйледі. Бұған дейін ол аталған шара барысында Ресей мен Украина өкілдерінің жеке кездесуі өтетінін жариялаған еді.
«Алешкидегі операция ауқымды бейбітшілікке жол ашады деп сенемін. Кез келген маңызды өзгеріс кішкентай ұшқыннан басталады», — деді ол сөзінде.
Кіріспе сөзінен кейін АҚШ-тың бірінші ханымы трибунаға Ресейдің тікелей инвестициялар қорының басшысы Кирилл Дмитриевті шақырды. Одан кейін украин делегациясын басқаратын Жоғарғы Раданың «Халық қызметшісі» парламенттік фракциясының жетекшісі Давид Арахамия сөз сөйледі.
Мелания Трамп Ресей мен Украина өкілдері арқылы екі елдің көшбасшылары — Владимир Путин мен Владимир Зеленскийге жеке хабарлама жолдағаны атап өтілді. Бұған дейін Мелания Трамп гуманитарлық операция жүргізу үшін Алешкидегі ұрыс қимылдарын уақытша тоқтату туралы Ресей мен Украина арасында келісімге қол жеткізгенін мәлімдеген.