Bıylǵy jyldyń birinshi jartyjyldyǵynda memlekettik búdjet kirisi ótken jyldyń sáıkes kezeńimen salystyrǵanda shamamen 16%-ǵa ósti, dep habarlaıdy infohub.kz.
Úkimet jańa Salyq kodeksiniń alǵashqy nátıjelerin qorytyndylady. Ósimniń negizgi draıveri – qosylǵan qun salyǵy (QQS) boıynsha túsimder, olar bir jarym esege artqan. Bıznesti kóleńkeden shyǵarýdyń mańyzdy nátıjesi – QQS tóleýshiler sanynyń 158 myń sýbektige deıin ósýi.
Mınıstrler kabınetiniń aıtýynsha, jańa Salyq kodeksi qarapaıym azamattardyń qarjylyq júktemesin tikeleı azaıtady. Qyzmet merzimi 10 jyldan asatyn jeńil avtokólikterge salyq 30%-ǵa, al 20 jyldan eskilerine – 50%-ǵa tómendetilgen. Biryńǵaı jınaqtaýshy zeınetaqy qorynan (BJZQ) tólenetin zeınetaqy tólemderi endi jeke tabys salyǵynan (JTS) tolyq bosatyldy. Joǵary tabysy bar azamattar úshin JTS-tiń progresıvti shkalasy engizildi.