Jasandy ıntellekt jáne sıfrlyq damý mınıstri Jaslan Madıev úkimet otyrysynda qazaqstandyqtardyń onlaın qyzmetterge qol jetkizýin qamtamasyz etý sharalary týraly aıtty, dep habarlaıdy infohub.kz saıty.
Vedomstvo basshysy elektrondy formatta usynylatyn memlekettik qyzmetter tizimin keńeıtý ǵana emes, olardy alý múmkindigin kepildendirý mańyzdy ekenin atap ótti. Bıylǵy jyldyń maýsym aıynan bastap zańnamalyq deńgeıde eGov jáne Aitu sıaqty áleýmettik mańyzy bar sıfrlyq servısterge tarıfsiz qol jetkizý bekitildi. Bul degenimiz, telefon balansy nól bolsa da, azamat negizgi memlekettik jáne áleýmettik servısterdi paıdalana alady.
Sonymen qatar, sáýir aıynan bastap eGov GPT ıntellektýaldy sıfrlyq asıstenti iske qosyldy. Bul servıs qyzmet alý prosesin jeńildetedi: buryn azamat qaı vedomstvoǵa júginý kerektigin, qandaı nysandardy toltyrýdy jáne qandaı anyqtamalar jınaýdy ózi anyqtaýǵa májbúr bolatyn. Endi ómirlik jaǵdaıdy qysqasha sıpattaý jetkilikti, mysaly, «maǵan tirkelý kerek» nemese «bıyl balam mektepke barady». eGov GPT qajetti qyzmetti ózi anyqtaıdy, ótinish daıyndaıdy jáne isti nátıjege deıin jetkizedi. Qazirdiń ózinde eGov GPT arqyly eń suranysqa ıe 50 qyzmet qoljetimdi, bul azamattar ótinishteriniń shamamen 30% quraıdy. Jyl sońyna deıin bul kórsetkishti 70% deıin arttyrý josparlanýda.