Qazaqstanda turǵyn úı salymdaryna memlekettik syılyqaqy esepteý erejelerin qatańdatý josparlanýda. Tıisti ózgeristerdi «Otbasy bank» qarastyryp jatyr, dep habarlaıdy infohub.kz saıty.
Eske salaıyq, «Otbasy bankinde» turǵyn úı salymdaryna aqsha jınaıtyn qazaqstandyqtar jyl saıyn memlekettik syılyqaqy alady. Ol jyl ishinde aýdarylǵan somaǵa esepteledi, biraq 200 aılyq eseptik kórsetkishtiń 20 paıyzynan aspaıdy. Mysaly, 2026 jyly syılyqaqynyń eń joǵary mólsheri 157 280 teńgeni qurady, al 2027 jyly ol 173 000 teńgege teń bolady.
Alaıda jaqyn arada erejeler aıtarlyqtaı ózgerýi múmkin. «Krysha» portalynyń habarlaýynsha, «Otbasy bank» tólem tártibin ózgertý múmkindigin qarastyrýda. Atap aıtqanda, turǵyn úı depozıtterine aqsha jınaýdy toqtatqan salymshylardy memlekettik syılyqaqydan aıyrý usynylýda. Eger salymshy salymdy jaýyp, aqshany alsa, alynǵan barlyq memlekettik syılyqaqy búdjetke qaıtarylady. Qazir depozıtke úsh jyl tolsa, syılyqaqyny alýǵa bolady.
Sonymen qatar, tólem merzimin ıpoteka resimdelgenge deıin shekteý josparlanýda. Qazir ıpoteka resimdelgennen keıin de memlekettik syılyqaqy eseptele beredi, klıent turǵyn úı qaryzyna aýysqansha. Iaǵnı, tólemder qaryz alýshy aralyq nemese aldyn ala qaryz satysynda turǵan kezde júzege asyrylady. Ózgeris ıpoteka resimdelgennen keıin birden memlekettik syılyqaqyny toqtatady.
Bank basqarmasynyń tóraıymy Lázzat Ibragımova bul usynystar qaraý satysynda ekenin atap ótti. Eger olar qabyldansa, jańa erejeler tek jańa depozıtterge qoldanylady, al buryn ashylǵan salymdar burynǵy tártippen jumys isteı beredi.
Sondaı-aq memlekettik syılyqaqyny tek memlekettik búdjetten ǵana emes, «Otbasy bankiniń» dıvıdendteri esebinen de tóleý múmkindigi qarastyrylýda.
Aıta keteıik, memlekettik syılyqaqy tóleý erejelerin qatańdatý buryn da talqylanǵan. Atap aıtqanda, baspana satyp alýdan bas tartqandar úshin syılyqaqyny alyp tastaý týraly sóz bolǵan.
Eske salaıyq, Qazaqstanda turǵyn úı qurylys jınaq júıesi (TQJJ) keńeıtilip, ekinshi deńgeıdegi bankterge oǵan qatysý múmkindigi berildi. Alaıda olarda «Otbasy bankinen» aıyrmashylyǵy, memlekettik syılyqaqy qarastyrylmaǵan.