Qazaqstandyq boksshy Evgenı Pavlov AQSH-tan kelgen qarsylasy Antonıo Danton El-mladshımen bolǵan dıalogyn jarıalady. Onda ol óziniń ultyn qatelesken amerıkalyqqa durystap aıtty.
Bul týraly Infohub.kz aqparat agenttigi habarlaıdy.
Evgenı Pavlov pen Antonıo Eldiń jekpe-jegi Baltımorda (AQSh) ótti. Alty raýndqa sozylǵan kezdesýde qazaqstandyq boksshy upaı sanymen basymdylyq tanytyp, jeńiske jetti. Alaıda, jekpe-jekten keıin jeńilgen amerıkalyq áleýmettik jelide ázildep jazǵan post jarıalap, oǵan Pavlovtyń jaýaby qysqa ári nusqa boldy.
Qarsylasynyń qateligin túzetti
Antonıo El jeńilisten keıin óziniń Instagram paraqshasynda: «Men shynymen bir oryspen judyryqtastym, biraq ólgen joqpyn», - dep jazdy. Buǵan Evgenı Pavlov: «Men orys emespin. Men – qazaqpyn, baýyrym», - dep jaýap berdi. Amerıkalyq boksshy dereý qateligin moıyndap: «O, keshirińiz, dostym», - dep jaýap qaıtardy.
Aıta keteıik, 26 jastaǵy qazaqstandyq boksshy 2020 jyly kásipqoı bokstaǵy mansabyn bastaǵan. Osy ýaqytqa deıin ol qatarynan 11 ret jeńiske jetken, onyń segizi merziminen buryn nokaýtpen aıaqtalǵan.
Qyzyǵy, El-mladshımen kezdesýge deıin Pavlov úsh jyldan astam ýaqyt boıy rıngke shyqpaǵan.