Meniń Qazaqstanym!
Jospar
Kirispe bólim
Otan degenimiz ne?
Negizgi bólim
Meniń Otanym – Qazaqstan.
Qorytyndy bólim
Týǵan jerim – Zyrán qalasy.
Otan degenimiz ne? Otan otbasynan bastalady. Otbasynda bir - birine eń jaqyn adamdar ómir súredi. Olar árdaıym bir – birine qoldaý kórsetip, kómektesip otyrady. Otbasym – ata - anam, ata - ájem, aǵalarym, ápkelerim. Otbasynda ińgalap dúnıege kelip, anańnyń besik jyryn tyńdap, áldıine bólenesiń. Al ákeń seniń qaýipsizdik pen qamqorlyqta bolýyń úshin baryn salady. Osy jyly uıada sen barlyq jaqsy qasıetterdi otbasy múshelerinen úırenesiń. Qazaq otbasy ulttyq qundylyqtarǵa baı. Men es bilgeli úlkendi syılaý, kishige izet kórsetý, álsizderge qamqor bolý, ótirik aıtpaý, adamnyń ala jibin attamaý sıaqty kórgendi isterdi úırenip kelemin. Meniń baqytty balalyq shaǵym Otanymda ótip jatyr. Al meniń Otanym Kaspı teńizinen bastalyp Altaı ólkesine deıin sozylyp jatqan Qazaqstan Respýblıkasy. Ana tili, mádenıeti, salt - dástúri, dini, tarıhy bar memleket. Sózden marjan tizgen tili bar, án men kúıi kúmbirlegen mádenıeti bar, urpaqtan urpaqqa jetken salty bar, ımandylyqqa tárbıeleıtin dini bar, umytylmas tarıhy bar meniń qazaq elim. Keń baıtaq otanymyzda týǵan elimizden basqa birneshe ult ókilderi ómir súredi. Olardy qazaq eli bólip – jarmaıdy, óz halqynyn kem sanamaıdy. Kerisinshe jaqyn tartyp, kómektesedi. Respýblıkamyzda birneshe ult ómir súrgendikten mádenıetimiz ben yntymaqtastyǵymyz birtutas. Elimizdegi barlyq halyqtar memlekettik tilimizdi qurmetteıdi, ulttyq qundylyqtarymyzdy qatań saqtaıdy. Halqymyz erte zamannan baýyrlastyq pen týystastyqqa asa mán bergen. Týǵany nemese qonaǵy bolsyn syılastyq pen qonaqjaılylyq tanytqan. Qazir Qazaqstan álemdik deńgeıde damyp kele jatyr. Bul týraly biz mektepte kóp maǵlumattar alamyz. Búgingi meniń synyptastarym erteńgi elimizge qyzmet jasaıtyn mamandar.

Esse avtory: Zarlyqanova Aqjan Baýrjanqyzy,
Zyrán aýdany – Zyrán qalasy,
«Zyrán qalasyndaǵy №8 orta mektebi» KMM
5 synyp oqýshysy

Meniń Qazaqstanym! júkteý