Ánshi Merýert Túsipbaeva parlamentte óner adamdary men blogerlerdiń bolýyna qarsy shyǵyp, depýtattyq oryndardy kásibı mamandar ıelenýi kerek dep málimdedi, dep habarlaıdy infohub.kz.
Onyń aıtýynsha, zań shyǵarýshy organda Ata Zańnyń ár tarmaǵyn zertteı alatyn qarjygerler, ekonomıser jáne zańgerler otyrýy qajet. Ol parlamentte óner adamdary, sportshylar jáne keıbir blogerlerdiń ne úshin otyrǵanyn túsinbeıtinin aıtty.
«Parlamentte ánshi, bıshi, kúıshi, sportshy, bloger-shmogerler otyrmaýy kerek. Ata Zańnyń ár tarmaǵyn zertteı alatyn qarjygerler, ekonomıser men zańgerler otyrýy qajet. Óner adamdary ol jerde ne úshin otyr, nege keldi dep oılaımyn. Óıtkeni men óner adamdarynyń, sportshylardyń jáne keıbir blogerlerdiń IQ deńgeılerin bilemin. IQ-y tómen ekenin túsinemin, sezemin. Bir aýyz sózdi qurap aıta almaıtyndar sol jerde ne istep otyrmyn dep oılaıdy eken?» — dedi Merýert Túsipbaeva jýrnalıs Aınur Asanberdige bergen suhbatynda.