Argentına quramasynyń kapıtany Lıonel Messı komandanyń álem chempıonaty fınalyna shyǵýy kezdeısoqtyq emes ekenin málimdedi. Onyń aıtýynsha, qatarynan eki týrnırde sheshýshi machqa jetetin komandalar az. Bul týraly infohub.kz saıty habarlaıdy.
Messı qazir argentına quramasy álemdegi eń kúshti ekenin atap ótti. «Biz bul týrnırde jeńiske jetkennen keıin qaıtadan álem chempıonatynyń fınalyndamyz. Sońǵy tórt jylda biz eń jaqsy boldyq – bireýge unasa da, unamasa da, kim ne dese de. Búgin biz qaıtadan álemdegi eki úzdik komandanyń qataryndamyz, jáne bul bizdiń qol jetkizgenimizdiń kezdeısoq emes ekenin jáne bizge eshkim eshteńe syılamaǵanyn kórsetedi. Qatarynan eki álem chempıonatynda fınalǵa shyǵý – bul az adamdardyń qoly jetetin jetistik», — dedi ol TyC Sports-qa bergen suhbatynda.
Qurama kóshbasshysy sonymen qatar osy álem chempıonatyna qatysý týraly sheshimdi byltyr qabyldaǵanyn jáne týrnırge ońtaıly jaǵdaıda kelý úshin qajyrly daıyndalǵanyn aıtty. «Men bul týrnırde oınaý týraly sheshimdi byltyr qabyldap, jattyqtyrýshymen únemi talqyladym. Eń jaqsy formada kelý úshin qoldan kelgenniń bárin jasadym, bir jyl boıy daıyndalyp, jattyqtym. Men eń jaqsy jaǵdaıda bolý jáne odan lázzat alý úshin bar kúshimdi salatynymdy bildim», — dedi Messı.
Eske sala keteıik, Argentına quramasy Anglıany jeńip, 2026 jylǵy álem chempıonatynyń fınalyna qatarynan ekinshi ret shyqty. Aldyńǵy álem chempıonatynda argentınalyqtar bas júldeni ıelengen bolatyn.
Sondaı-aq, Lıonel Messı Anglıamen oıynda álem chempıonattary tarıhyn qaıta jazǵanyn atap ótken jón.