Meta kompanıasy kiriktirilgen kamerasy joq aqyldy kózildiriktiń jańa modelin usynbaqshy. Luna degen kodtyq ataýmen shyǵatyn qurylǵy osy jyldyń kúzinde jaryq kóredi, dep habarlaıdy infohub.kz saıty.
ChannelNews portalynyń málimetinshe, kamerasyz gadjet shyǵarý sheshimi qoǵamnyń narazylyǵy men retteýshilerdiń synyna baılanysty qabyldanǵan. Buǵan burynǵy kózildirik modelderimen jasalǵan ruqsatsyz beınejazba oqıǵalary sebep bolǵan. Jańalyq qyrkúıek aıynyń sońynda Connect konferensıasynda tanystyrylyp, satylym qazan aıynda bastalady dep kútilýde.
Luna degen kodtyq ataýmen shyǵatyn qurylǵyda negizgi nazar aýdıofýnksıalar men jasandy ıntellektpen ıntegrasıaǵa aýdarylǵan. Kózildirik alty mıkrofonmen, dınamıktermen jáne Meta AI daýystyq kómekshisin jyldam shaqyrýǵa arnalǵan jeke túımemen jabdyqtalady. Kameranyń bolmaýy korpýsty juqa ári jeńil etedi — syrtqy túri qarapaıym kózildirikten ajyratylmaıdy.
Meta-nyń burynǵy aqyldy kózildirik nusqalary birneshe ret janjalǵa ushyraǵan: qoldanýshylar jazý ındıkatoryn jasyryp nemese buzyp, qoǵamdyq oryndarda adamdardy jasyryn túsirýdiń joldaryn tapqan. Kamerasyz nusqany shyǵarý kompanıaǵa qupıalylyqqa alańdaıtyn satyp alýshylardy tartýǵa jáne mekemelerdegi jazý qurylǵylaryn paıdalanýǵa qoıylǵan tyıymdardy aınalyp ótýge múmkindik beredi.