«Astana» halyqaralyq qarjy ortalyǵynda (MFSA) Alatau City Iconic Holding Limited atty jańa kompanıa tirkeldi. Jarǵylyq kapıtaly — $50 mln. Kompanıa ataýy Alataý qalasyndaǵy Gate District iskerlik aýdanynyń basty nysany retinde tanystyrylǵan Iconic Building jobasymen sáıkes keledi, dep habarlaıdy infohub.kz.
MFSA tirkeý derekteri boıynsha, kompanıa árqaısysynyń nomınaldy quny $1 myń bolatyn 50 myń jaı aksıa shyǵarǵan. Osylaısha, onyń kapıtaly $50 mln quraıdy.
Alatau City Iconic Holding Limited-tiń negizgi qyzmet túri — holdıńtik kompanıalardyń qyzmeti. Sondaı-aq kompanıa MFSA zańnamasyna sáıkes ruqsat etilgen ózge de qyzmetpen aınalysa alady.
Jańa qurylymnyń jalǵyz aksıoneri — Alatau City Properties LLP. Bul kompanıanyń ıeleri: quryltaıshysy Aleksandr Kım bolyp tabylatyn Alatau Development Holding Ltd. jeke kompanıasy; kásipker ári burynǵy senator Iýrı Shaı; sondaı-aq Shaıǵa tıesili «Caspian Group».
Buǵan deıin «Kýrsıv» Iýrı Shaı Alataý qalasynda Gate District iskerlik aýdanynyń jobasyn tanystyrǵanyn jazǵan bolatyn. Joba A klasyndaǵy bıznes-ortalyqtar keshenin, qonaq úılerdi, saýda-oıyn-saýyq nysandaryn jáne bıznes úshin arnaıy jaǵdaılar jasalǵan qarjy ortalyǵyn salýdy kózdeıdi.
Aýdannyń ózegi Iconic Building-1 halyqaralyq bıznesti damytý ortalyǵy bolýy tıis. 2025 jylǵy qarashada Almaty oblysynyń ákimdigi joba boıynsha úshjaqty kelisimder Qazaqstan-Qytaı iskerlik keńesi aıasynda qol jetkizilgenin habarlaǵan.
Iýrı Shaı Forbes nusqasy boıynsha Qazaqstannyń eń baı bıznesmenderi reıtıńinde 72-orynda tur. Onyń baılyǵy $100 mln dep baǵalanady.