2026 jyldyń alǵashqy úsh aıynda Memlekettik kirister komıteti salyqtyq tekserýler qorytyndysy boıynsha kásipkerlerge 109,7 mlrd teńge salyq eseptedi. Bul somanyń 29,3 mlrd teńgesi búdjetke óndirildi: 11,1 mlrd teńgesi jańa esepteýler bolsa, 18,2 mlrd teńgesi ótken jyldardaǵy tekserý aktileri boıynsha jınaldy, dep habarlaıdy infohub.kz.
Jalpy, 2026 jyldyń birinshi toqsanynda memlekettik kiris organdary 6 496 salyqtyq tekserý júrgizdi. Kóbinese fıskaldar qarsy tekserýler uıymdastyrdy – olardyń sany 3 118 boldy. Sondaı-aq ınspektorlar jekelegen máseleler boıynsha 1 739 taqyryptyq tekserý, 1 184 qarapaıym taqyryptyq jáne 252 keshendi tekserý júrgizdi. Budan basqa, MKK qyzmetkerleri 143 hronometrajdyq zertteý júrgizip, 60 baqylaý aktisin jasady.
Salystyrý úshin, 2025 jyldyń barlyq kezeńinde salyq organdary 38 392 tekserý júrgizip, bızneske 292,2 mlrd teńge salyq eseptegen bolatyn. Sol kezde óndirilgen qarajattyń jalpy kólemi 97,8 mlrd teńgege jetti, onyń 54,9 mlrd teńgesi aǵymdaǵy tólemderge, al 42,9 mlrd teńgesi ótken jyldardaǵy tekserýler boıynsha qaryzdarǵa tıesili boldy.
Ótken jylǵy tekserýlerdiń qurylymy kelesideı boldy: eń kóbi jekelegen máseleler boıynsha taqyryptyq tekserýler (17 422) jáne qarsy tekserýler (11 891) júrgizildi. Qarapaıym taqyryptyq tekserýler 6 431 jaǵdaıdy qurasa, keshendi tekserýler – 1 796. Sonymen qatar, fıskaldar 741 hronometrajdyq zertteý júrgizip, 111 baqylaý aktisin jazyp berdi.
Buǵan deıin «Kýrsıv» DMK ońaılatylǵan rejımdegi JK arqyly salyq tóleýden jaltarý sqemalaryn anyqtaǵanyn jazǵan bolatyn.