Prodúser ári ánshi Móldir Muqan úsh qýanyshty bir merekege biriktirip, saltanatty toı ótkizdi: úlken qyzy Ádemıdiń ýnıversıtet bitirýi, ekinshi qyzy Aıymnyń mektep bitirýi jáne kenje uly Raıymbektiń súndet toıy. Bul týraly infohub.kz saıty habarlaıdy.
Ánshi jaqyndaryn jınap, balalarynyń jetistikterin atap ótti. «Otan — otbasynan bastalady dep ósken qyzdaryńyzbyn ǵoı. Balalarymnyń qýanyshyna arnap, jaqyndarymdy jınap, batalaryn alyp, tilekterin tyńdap, ár jaqsy sózdi Jaratqan ıem, qabyl ete kór dep ishimnen qaıtalap júrdim. Otbasymnyń toıyn — Otanymnyń Astana kúnimen qatar toılaý buıyrǵan eken. Osy kúni sizder de menimen bolǵandaryńyz úshin, qonaqtaryma da, ınstaoqyrmandaryma da sheksiz alǵys aıtamyn», — dep jazdy Móldir Muqan.
Astana kúnine oraı ánshi muraǵattaǵy sýretin jarıalap, Nursultan Nazarbaev týraly estelikterimen bólisti. «Astanamdy qatty jaqsy kóremin. Bes perzentimniń ómirge kelgen qalasy, jastyǵymnyń kýási. 2000 jyly oqýǵa túsip, osy qalamen birge men de óstim. Qalam da jaınap jarqyrap tur, Elimiz de órkendep ósip jatyr. Ár kirpishin jaqsy kóremin, ár turǵyny meniń týǵanymdaı dep te aıta alamyn. Osy ataýly meıramnyń qurmetine meniń de muraǵatymda saqtalyp turǵan beınemen taǵy bóliskim keldi. Astana qalasyna tikeleı qatysy bar Elbasymen osyndaı estelik bar. Ol kisiniń qolynan ustap turǵan súıkimdi tompıǵan qara qyz — Aıym», — dedi ánshi.
Móldir Muqan úsh qýanyshtyń biri — qyzy Aıymnyń mektep bitirýi ekenin atap ótti. «3 qýanysh — 1 toı degen ataýmen bolǵan merekemdegi bir qýanyshym qazirgi osy appaq qyzym Aıymnyń mektep bitirýi edi. Sulýym, ónerlim, eńbekqorym, JOLYŃ ASHYQ BOLSYN. Sen meniń duǵamdasyń, qyzym! JULDYZYŃ JARQYRAI BERSİN, BAǴYŃ BES ELİ BOLSYN», — tiledi ol.