Reseıde sot oryndaýshylary reper Alısher Morgenshternnen 8,2 mln rúblden astam qylmystyq aıyppuldy májbúrlep óndirýge kiristi. Oǵan sheteldik agent mindettemelerin oryndamaý negiz boldy, dep habarlaıdy infohub.kz saıty.
NUR.KZ-tiń RIA Novostıge silteme jasap habarlaýynsha, sáýirde mýzykant syrttaı 7 mln rúbl aıyppulǵa sottalǵan. Ol sheteldik agent mindettemelerin oryndaýdan jaltardy dep aıyptalǵan.
Basylym málimetinshe, maýsymda sot aıyppul mólsherin 8,2 mln rúblge deıin ulǵaıtqan. Bul rette aıyptalýshynyń óndirip alý mólsherine balamaly quny bar múlkine qamaý saqtalǵan.
Endi sot oryndaýshylary bul aqshany reperden óndire bastady. Qujattarǵa sáıkes, 20 tamyzda sot atqarý paraǵyn bergen — Morgenshtern aıyppuldy óz erkimen tólemegen. Nátıjesinde 1 qyrkúıekte oǵan qatysty «negizgi jaza túri retindegi qylmystyq aıyppuldy» 8,2 mln rúblden astam somaǵa óndirý týraly atqarýshylyq is júrgizile bastady.
Basylym Morgenshternniń 2022 jyldyń kókteminde sheteldik agentter tizilimine engizilgenin eske salady. Sońǵy birneshe jylda ol Reseıden tys jerde turyp jatyr.