Máskeýdiń Basmannyı aýdandyq soty jýrnalıs Iýrı Dýdke terorızmge ashyq úndeý jasady degen is boıynsha syrttaı qamaýǵa alý túrindegi bultartpaý sharasyn tańdady, dep habarlaıdy infohub.kz saıty.
Reseı astanasynyń jalpy ıýrısdıksıadaǵy sottarynyń baspasóz qyzmeti málimdegendeı, qamaý eki aı merzimge taǵaıyndaldy — aıyptalýshy ekstradısıa jaǵdaıynda reseılik quqyq qorǵaý organdaryna tapsyrylǵan sátten bastap nemese Reseı aýmaǵynda ustalǵan sátten bastap.
«Sot oǵan ekstradısıa jaǵdaıynda reseılik quqyq qorǵaý organdaryna tapsyrylǵan sátten bastap nemese Reseı aýmaǵynda ustalǵan sátten bastap eki aı merzimge qamaýǵa alýdy tańdady. Oǵan taǵylǵan bap (QK 205.2-babynyń 2-bóligi) bes jyldan jeti jylǵa deıin bas bostandyǵynan aıyrý jazasyn kózdeıdi», — delingen jarıalanymda.
Osylaısha, buǵan deıin Reseı Federasıasynda syrttaı sottalǵan tanymal jýrnalıs Iýrı Dýdke jaza kúsheıtildi.
Eske salaıyq, 2025 jyldyń qarashasynda jýrnalıs sheteldik agent mindetterin oryndaýdan jaltarǵany úshin syrttaı bir jyl on aıǵa bas bostandyǵynan aıyrylǵan bolatyn.
Keıinirek Iýrı Dýd óziniń bir beınejazbasynda ustalý qaýpine baılanysty Qazaqstanǵa kelýdi toqtatqanyn moıyndady.