Máskeýden Astanaǵa ushqan ushaq bortyndaǵy oqıǵa 36 jastaǵy sheteldik azamat úshin 12 táýlik ákimshilik qamaýmen aıaqtaldy. Er adam qoǵamdyq tártipti buzyp, ekıpaj talaptaryna baǵynbaǵan jáne basqa jolaýshylarǵa bylapyt sózder aıtqan, dep habarlaıdy infohub.kz saıty.
NUR.KZ-tiń Polisia.kz-ke silteme jasap habarlaýynsha, ushaq Astana áýejaıyna qonǵan soń buzaqy akti boıynsha kóliktegi polısıa basqarmasynyń qyzmetkerlerine tapsyryldy.
«Kólik polıseıleri 36 jastaǵy sheteldik azamattyń аlkogóldik masań kúıde bolyp, qoǵamdyq tártipti buzǵanyn anyqtady: ol ekıpaj músheleriniń talaptaryn oryndamaı, basqa jolaýshylarǵa bylapyt sózder aıtqan», — dedi kóliktegi polısıa departamenti bastyǵynyń orynbasary Kúrmet Majıkenov.
İshki ister mınıstrliginiń aqparattyq medıaportalynyń dereginshe, quqyq buzýshy birneshe fakti boıynsha jaýapkershilikke tartyldy: usaq buzaqylyq, аlkogóldik ishimdikterdi ishý nemese qoǵamdyq oryndarda masań kúıde kóriný, sondaı-aq áýe kemesi bortyndaǵy minez-qulyq erejelerin buzý.
Sot sheshimimen sheteldik azamat 12 táýlikke qamaldy. Sonymen qatar, jolaýshynyń bir jyl ishinde аlkogóldi tutynǵany úshin jaýapkershilikke tartylǵany anyqtaldy.
«Kóliktegi polısıa departamenti eskertedi: áýe kemesiniń borty — jaýapkershiligi joǵary aımaq. Ekıpaj talaptaryna baǵynbaý men agressıvti minez-qulyq zardapsyz qalmaıdy. Belgilengen erejelerdi buzǵany úshin zańnamaǵa sáıkes jaýapkershilik qarastyrylǵan», — dep qosty polısıada.
Buǵan deıin Astana turǵyny ushaq bortynda agressıvti minez-qulyq tanytyp, polıseılerdiń nusqaýlaryn oryndaýdan bas tartqany úshin 10 táýlikke qamalǵany habarlanǵan bolatyn.