MrBeast esimimen tanymal amerıkandyq bloger ári kásipker Djımmı Donaldson ońtústik afrıkalyq jazýshy ári kontent jasaýshy Teıa Boısenge úılengenin jarıalady. Toıdyń sýretterin ol Instagram-daǵy paraqshasyna saldy, dep habarlaıdy infohub.kz.
Jarıalanǵan sýretterde jas jubaılar tabıǵat aıasynda úılený kıimderimen túsken. Post birneshe saǵat ishinde mıllıondaǵan laık pen myńdaǵan quttyqtaý jınady.
11 shilde kúni MrBeast jańa rolıkti shyǵara almaıtynyn X áleýmettik jelisinde jazǵan edi. «Búgin jańa vıdeo joq — múmkin, men úılenip jatyrmyn ǵoı, sondyqtan sál bos emespin», — dep jazdy ol.
MrBeast pen Teıa Boısen 2022 jyly Ońtústik Afrıkada tanysyp, birneshe aıdan keıin kezdesip júrgenderin rastaǵan. Jup 2025 jyldyń basynda nekelesý týraly habarlady. Bloger buǵan deıin toıdy otbasy men jaqyn dostarynyń arasynda ótkizgisi keletinin aıtqan.
MrBeast YouTube-taǵy eń tanymal avtor bolyp qala beredi. Onyń arnasynda júzdegen mıllıon jazylýshy bar, al vıdeolary turaqty túrde ondaǵan, tipti júzdegen mıllıon qaralym jınaıdy. Ol aýqymdy chellendjderi, qaıyrymdylyq jobalary jáne iri aqshalaı utys oıyndarymen tanymal.