Amerıkandyq bloger MrBeast (Djımmı Donaldson) resmı túrde otbasyly boldy. YouTube juldyzy súıiktisi Teıa Boısenge úılenip, jankúıerlerine úılený toıynan romantıkalyq fotosýretterdi jarıalady, dep habarlaıdy infohub.kz.
Saltanatty kúnge qalyńdyq birneshe áserli kórinis tańdady. Rásimde Teıa Nicole + Felicia Couture brendiniń tereń oıyqty, móldir shilterli kóılegin kıip, uzyn perde taqty. Keıin ol aq atlas mını-kóılekke aýysty, al sońǵy beınesin ashyq ıyqty, qaýyrsynnan jasalǵan qysqa mamyq ıýbka tolyqtyrdy.
Djımmı Donaldson úılený rásimine klasıkalyq stıldi tańdady: aq pıdjak Ralph Lauren, kóbelek galstýk qosylǵan kóılek jáne qara shalbar. Resmı bólimnen keıin bloger keshtiń merekelik bólimine jeńilirek kıim aýystyrdy.
«Men ózimniń MrsBeast-ti taptym. Bul meniń ómirimdegi eń jaqsy kún boldy», — dep jazdy MrBeast jarıalanǵan sýretterdiń astynda.
People basylymynyń dereginshe, úılený toıy Virgin Group negizin qalaýshy Rıchard Brensonǵa tıesili jeke Neker aralynda ótti. Mereke bir aptaǵa sozylyp, qonaqtar arasynda juptyń eń jaqyn 70-ke jýyq adamy — týystary men dostary boldy.
28 jastaǵy Djımmı Donaldson álemdegi eń tabysty bloger sanalady. Onyń aýdıtorıasy 500 mıllıonnan asady, al Forbes onyń baılyǵyn shamamen 2,6 mıllıard dollarǵa baǵalaıdy. Basylymnyń málimetinshe, MrBeast-tiń jyldyq tabysy shamamen 300 mıllıon dollardy quraıdy.