4 - synyp
Sabaqtyń taqyryby: Mýzykalyq dybystar
Sabaqtyń maqsaty:
1. dybystyń shýly, mýzykalyq bolyp bólinýin túsindirý;
2. mýzykalyq dybysty oryndaýǵa úıretý;
3. án aıtý erejesin saqtap, hormen án aıtý erekshelikterin túsindirip úıretý.
Sabaqtyń túri: dástúrli emes
Sabaqtyń tıpi: jańa sabaq
Ádis - tásilder: vokaldyq jattyǵýlar
Kórnekilik:

Uıymdastyrý
Sálemdesý (aspappen)
- Sálemetpe balalar!
Oqýshylar: Sálemetsiz be!

Úı tapsyrmasyn suraý
- Balalar biz ótken sabaǵymyzdy eske túsirip qaıtalap jibereıik. Ol úshin
suraqtarǵa jaýap bereıik.
1. Balalar, qazaq tilinde áripter bolady, matematıka áleminde sandar bolady, al mýzyka tilinde neler bolady? (notalar)
2. Mýzyka áleminde qandaı notalar bolady eken? (do - re - mı - fa - sol - lá - sı - do)
3. Jeti notany qol qımyly arqyly barlyǵymyz birge kórseteıik.
4. Dybystar qandaı túrlerge bólinedi? (shýly, mýzykalyq)

Jańa sabaq
Mýzykalyq dybys – mýzykalyq júıede naqtyly orny bar, turaqty bıiktiktegi dybys. Mýzykalyq dybys mýzyka mádenıetiniń kópǵasyrlyq damý barysynda (shý dybystardan bólek) aıqyndalyp, belgili bir júıeli qalypqa túsirilip, mýzykalyq oıdy, obrazdy beıneleýde qoldanylatyn kórkemdik qubylys. Olardyń dybys bıiktigi, estilý kúshi, tembri, uzaqtyǵy aıqyn. Mýzykalyq dybystaǵy negizgi tonnyń joǵarylyǵy sýbkontroktavadaǵy do - dan 5 - oktovadaǵy do – re-ge deıin bolady (16 – 4000/1500 gs). Bir oktavada bir - birinen jarty ton aıyrmashylyǵy bar 12 dybys qoldanylady. Mysaly: kúı, áýen. Mektebimizdegi mýzykalyq dybystar shyǵaratyn qurylǵylar bar, olar qaısysy? (ıamaha, kolonka, kompúter)

Shýly dybystar – kóbinese tabıǵatta kezdesedi, mysaly: jel, naızaǵaı, boran, jaýyn, ushaqtyń ushýy, mashınanyń sıgnaly. Sonymen qatar shýly dybysty ózimiz shyǵara alamyz. Sonyń dáleli retinde shýly dybys shyǵaryp kóreıik. Qanekeı, ornymyzdan turaıyq: 4 ret aıaǵymyzdy edenge soǵyp, alaqanymyzben 4 ret shapalaqtaıyq. Bizdiń mektepte shýly dybys shyǵaratyn qural bar. Sizder bilesizder me? (qońyraý).
- Durys balalar, endi qazir «Dybystar» oıynyn oınaıyq, ol úshin úntaspaǵa nazar aýdaraıyq. Tyńdap, qaı dybystyń shýly, qaı dybystyń mýzykalyq ekenin anyqtańdar. Sizderge notalar berip qoıaıyn, ár jaýaptaryńyzdy, taqtaǵa ilesizder. (úntaspadan dybystar qoıylady: jel, naızaǵaı, boran, jaýyn, ushaqtyń ushýy, mashınanyń sıgnaly, kúı, áýen)

Nota saýattylyǵy
Balalar, notalardyń aıtylýyn, qımylyn bildik, endi notalardy nota jaqtaýyna ornalastyryp úıreneıik.

- skrıpka kilti nemese sol kilti
Nota jaqtaýy
Biz búgin nota jaqtaýyna 3 notanyń ornalasýyn ótemiz, olar do - re - mı.
Shyǵarmashylyq tapsyrma
Seken Turysbekovtyń «Kóńil tolqyny» kúıin oryndap beremin, sizder kúıdi estigende ne elestetkenderińizdi sýretke túsiresizder. Qorǵaıdy.
Daýys qyzdyrý jattyǵýlary
A - a - a, ń - ń - ń, t. b.
Saz saýaty
«Aq mamam» ánin tyńdatý, ándi jattatý.
Bizdi ósirip baptaǵan
Jaqsy bolsaq shattanǵan,
Altynym dep maqtaǵan
Aınalaıyn aq mamam
Altynym dep maqtaǵan
Aınalaıyn aq mamam

Túnde sergip jatpaǵan,
Kúndiz tynym tappaǵan.
Bizsiz tamaq tatpaǵan
Aınalaıyn aq mamam

Ár sózińdi jattaǵam
Júregimdi saqtaǵan

Anashym dep maqtanam
Aınalaıyn aq mamam
Anashym dep maqtanam
Aınalaıyn aq mamam

Qorytyndylaý
Mýzykalyq dybysty qabyldaý mashyqtaryn anyqtaý.
● «Aýa raıy» baǵdarlamasynyń dybysy
● «Jańalyqtar» baǵdarlamasynyń dybysy
● «Jarnamanyń» daýysy

Úı tapsyrmasy «Aq mama» ánin jattaý
Baǵalaý