Sechenov ýnıversıtetinde Reseıdegi alǵashqy mysyq pen ıt alergıasyna qarsy vaksınalar ázirlenýde. Mysyq alergıasyna qarsy preparat klınıkalyq synaqtarǵa daıyndalyp jatyr, al ıt alergıasyna qarsy qural belsendi ázirlený ústinde. Bul týraly RIA Novostıge ýnıversıtettiń Molekýlalyq medısına ınstıtýtynyń ımmýnopatologıa zerthanasynyń qyzmetkeri, alergolog-ımmýnolog dáriger Ksenıa Rábova málimdedi, dep habarlaıdy infohub.kz saıty.
Mamannyń aıtýynsha, zerthana mundaı preparattardy jasaýmen belsendi aınalysýda: mysyq alergıasyna qarsy vaksına klınıkalyq zertteýlerdi kútip tur, al ıt alergıasyna qarsy vaksına belsendi ázirlený satysynda.
Sonymen qatar, zerthana ǵalymdary «Allergochıp RF» test-júıesin ázirledi. Joba aıasynda ýnıversıtet Reseıde alǵash bolyp elimizdiń ártúrli aımaqtarynan kelgen pasıentterdi profıldeýden ótkizip, 120-dan astam alergenge joǵary jeke sezimtaldyqty anyqtaýǵa múmkindik beretin test jasady.
Ksenıa Rábovanyń túsindirýinshe, bolashaqta profıldeý nátıjeleri alergender sany az «Allergochıp RF» kompakt nusqalaryn shyǵarýǵa múmkindik beredi — mysaly, 120 emes, 20 alergenmen. Bul test-júıeniń qunyn tómendetip, zamanaýı alergıa dıagnostıkasyn eldiń ártúrli aımaqtarynyń turǵyndary úshin qoljetimdi etedi.
«Profıldeýdiń arqasynda biz 120-dan az alergen sanymen, mysaly, jıyrmamen allergochıpter jasaı alamyz. Bul ónimdi arzandatyp, ony elimizdiń kez kelgen túkpirinde qoljetimdi etedi», — dep túıindedi maman.