Qazaqstandyqtarǵa jańa kólikterdiń qoljetimdiligin arttyrý josparyn Úkimet úıindegi brıfıńte Indýstrıa jáne qurylys mınıstrliginiń basshysy Ersaıyn Nagaspaev túsindirdi, dep habarlaıdy infohub.kz.
Mınıstr buǵan deıin Qazaqstanda kólikterdiń qoljetimdiligin arttyrýdy, onyń ishinde avtokredıtteý kezinde qaryz júktemesi koefısıentin (QJK) esepke alýdy alyp tastaý arqyly kóterý nıetin bildirgen edi. Tilshiler bul bastamanyń halyqtyń nesıelenýin azaıtýmen aınalysyp jatqan Ulttyq bank jáne Qarjy naryǵyn retteý jáne damytý agenttigimen kelisilgen-kelispegenin surady.
«Bizdiń úlken tilegimiz, bizdiń usynysymyz – biz osyny talap etemiz. Ol jyl sońyna deıin qoldanylady, biraq biz bul usynysty úkimetke de engizdik jáne úkimet atynan Ulttyq banktiń bizge qoldaý kórsetip, bizdiń ustanymymyzdy eskergenin qalaımyz. Jyl sońyna deıin bul shara qoldanylady, biraq biz bul máseleni mindetti túrde pysyqtaımyz. Bul – bizdiń ustanymdyq pozısıamyz», – dedi Ersaıyn Nagaspaev.