Fransıada Brıjıt Makron erkek bolyp týǵan dep tujyrymdaǵan jýrnalıs ári bloger Natasha Reı qaıtys boldy. Reıdiń qaıtys bolǵany týraly fransýz jýrnalısi Ksave Pýssar áleýmettik jelidegi X paraqshasynda habarlady, dep jazady infohub.kz saıty.
«Natasha Reıdiń 13 qyrkúıekte Sent qalasynda (Sharant-Marıtaım) qaterli isikten qaıtys bolǵanyn tereń qaıǵymen bildik. Brıjıt Makron isiniń bastaýynda turǵan Natasha Reı Sen-Pale zıratyna jerlenedi», — dep jazdy Ksave Pýssar.
Fransýz tilindegi jazbasynda jýrnalıs Natasha Reıdiń Sen-Pale shirkeýinde saǵat 14:30-da ótken messadan keıin Sent qalasyndaǵy Sen-Pale zıratyna jerlenetinin naqtylady.
RIA Novostıdiń málimetinshe, 13 qyrkúıekte fransýz jýrnalısi ári bloger Natasha Reı Parıj apelásıalyq sotynda Fransıa prezıdentiniń jubaıy Brıjıt Makronǵa qarsy jala jabý isi boıynsha jeńiske jetti. Bul týraly jýrnalısiń advokaty Fransýa Danglean málimdedi.
«Natasha Reı Brıjıt Trone-Makron men Jan-Mıshel Troneniń toby tarapynan qozǵalǵan jala jabý prosesinde túpkilikti jeńiske jetti», — dedi advokat.
Eske salaıyq, 2024 jyldyń kúzinde Parıjde Makronnyń jubaıy erkek bolyp týǵan dep málimdegen áıelderge úkim shyǵarylǵan bolatyn. Onda olar 500 eýro kóleminde shartty aıyppulǵa tartylǵany habarlanǵan. Sonymen qatar olar Brıjıttiń ózine 8 myń eýro, al aǵasy Jan-Mıshel Tronege 5 myń eýro ótemaqy tóleýge mindetteldi.
2025 jyldyń shildesinde Parıj soty Natasha Reıdi aqtady.
24SMI saıtynyń málimetinshe, Brıjıt Marı-Klod Trone 1953 jyldyń 13 sáýirinde Fransıanyń soltústigindegi kórkem Pıkardıa aımaǵynda dúnıege kelgen. Brıjıttiń ákesi Jan Trone — kondıterlik dúkender jelisiniń ıesi, anasy Sımona Pýıol — úı sharýasyndaǵy áıel. Bolashaq birinshi hanymnyń balalyq shaǵy Amen qalasynda ótti. Trone otbasynda alty bala bolǵan.