Aláns Reseımen tikeleı áskerı qaqtyǵys bolǵan jaǵdaıda úsh strategıa ázirledi, olar qurlyqtaǵy urys qımyldary tujyrymdamasynyń negizine alyndy, dep habarlaıdy infohub.kz saıty.
Nemis Bild basylymynyń jazýynsha, mundaı senarıde NATO-nyń basty mindeti — shabýyldy toqtatyp, reseılik kúshterdi álsiretý. Birinshi kezeń raketa jáne ushqyshsyz ushý apparattarynyń shabýyldaryn basý boljanady. Ol úshin reseılik raketalyq keshenderdi joıý úshin áskerı ushaqtar, raketalar men drondardy paıdalaný josparlanýda. Negizgi nysanalardyń biri — kóptegen áýe shabýylyna qarsy qorǵanys júıeleri men raketalyq keshender ornalasqan Kalınıngrad oblysy bolýy múmkin.
Sonymen qatar Reseı men Belarýs shekaralarynda «avtonomdy aımaq» qurý kózdelýde. Onda NATO áskerı qyzmetshileri bolmaıdy: shabýyldaǵan reseılik áskerlerge qarsy drondar men jerdegi robottandyrylǵan júıeler áreket etýi tıis.
Kelesi kezeńde NATO Reseı aýmaǵyna soqqy berýi múmkin. Arnaıy jasaqtar áskerı jáne logıstıkalyq nysandardy — áýeaılaqtardy, qorǵanys kásiporyndaryn, kópirler men temirjoldardy joıýy kerek, olar ásker men tehnıkany tasymaldaý úshin paıdalanylady. Aláns sondaı-aq Vladımır Pýtınge qarsy shyqqan reseılikterdiń kómegine senedi.
Sonymen qatar, NATO Reseıge drondar men robottardy jetkizý úshin «áýe kópirin» qurýdy josparlap otyr. Olar áýeaılaqtar men áskerı bazalarǵa da shabýyl jasaýy tıis. Aláns Reseı aýmaǵyn basyp alýdy josparlamaıtynyn atap ótedi. Mindet — reseılik áskerlerdi shekaraǵa qaıtarý.
Aıta ketý kerek, NATO bul josparlardy qupıa ustaýdy kózdemeıdi. Áskerılerdiń pikirinshe, tejeý tek qarsylas aláns eline shabýyl jasaǵan jaǵdaıda nege tap bolatynyn aldyn ala bilgende ǵana jumys isteıdi.