2026 jyldyń birinshi jartyjyldyǵynda Qazaqstandaǵy eń tanymal jol talǵamaıtyn kólikter ataldy. Toyota Land Cruiser Prado segmentte sózsiz kóshbasshy bolyp qala beredi, al qytaılyq úlgiler alǵashqy bestikte úsh oryndy ıelendi, dep habarlaıdy infohub.kz saıty.
2026 jylǵy qańtar-maýsym aralyǵynda qazaqstandyqtar resmı dılerlerden shamamen 4 myń jańa ramdy kólik satyp aldy. Onyń 841-i Toyota Land Cruiser Prado úlesine tıdi. Model baǵasy 2,7 lıtrlik nusqa úshin 38,2 mln teńgeden bastalyp, 2,4 lıtrlik týrbokozǵaltqyshy bar jeti oryndyq nusqada 53 mln teńgege jetedi. Satylym statısıkasynda birneshe jyl qoımada turǵan 2022 jylǵy 4 lıtrlik qozǵaltqyshy bar Land Cruiser Prado J150 de tirkelgen.
Ekinshi oryndy qytaılyq Tank 300 ıelendi – jarty jylda 581 avtokólik satylǵan. Baǵasy jıyntyǵyna qaraı 20–23,3 mln teńge aralyǵynda. Satyp alýshylar kóbinese aldyńǵy kópiri qosylatyn klasıkalyq Part-Time sqemasyn tańdaıdy. Úshinshi oryndy kútpegen jerden reseılik Lada Niva Legend ıelendi – dılerler 500 avtokólikti 7,8–8,3 mln teńge baǵasymen satqan. Alaıda reseılik avtokólikterdi ákelýge ýtılalymnyń kúrt ósýine baılanysty Lada-ǵa suranys tómendeýi múmkin. Qazirgi sharttar saqtalsa, qoımadaǵy qorlar birte-birte taýsylady.
Tórtinshi tanymal – Haval H5: alty aıda 404 mashına satylǵan. Qazaqstanda jol talǵamaıtyn kóliktiń baǵasy arnaıy usynystardy esepke almaǵanda 16,8–18,2 mln teńge. Besinshi orynda – Tank 500: dılerler 320 avtokólik ótkizgen. Model 3 lıtrlik qozǵaltqyshpen tórt jıyntyqta 27,8–33 mln teńge baǵasynda qoljetimdi.
Altynshy orynda – 198 avtokólikpen Haval H9. Odan keıin Chevrolet Tahoe (177), Toyota Land Cruiser (162) jáne Lada Niva Travel (143). Lexus LX satylymy aıtarlyqtaı quldyraǵan: 2025 jyldyń birinshi jartysynda dılerler 461 avtokólik satsa, 2026 jyldyń osy kezeńinde nebári 137. 70,3% -ǵa tómendeý modeldi úshinshi orynnan onynshy orynǵa ysyrdy. Onynshy orynda – Lexus LX (137), on birinshi – Lexus GX (101), on ekinshi – ROX 019 (95), on úshinshi – Infiniti QX80 (86), on tórtinshi – Cadillac Escalade (69), on besinshi – Range Rover (63).
Osylaısha, birinshi jartyjyldyqta qytaılyq ramdy kólikter eń tanymal jol talǵamaıtyn kólikterdiń top-bestiginde úsh oryn aldy, alaıda Toyota Land Cruiser Prado segmenttiń sózsiz kóshbasshysy bolyp qala beredi.
Buǵan deıin Kýrsıv Avto Chevrolet-diń Qazaqstannyń avtorynogynda kóshbasshylyqqa qaıta oralǵanyn, al Changan alǵash ret eń tanymal brendterdiń úshtigine engenin habarlaǵan. Sondaı-aq BYD men Geely Galaxy elimizdiń elektromobıl jáne gıbrıd naryǵyn basqaryp otyrǵany aıtyldy.