Qazaqstan azamatshasy týrısik toppen Nepal men Qytaı shekarasyn kesip ótkennen keıin habar-osharsyz ketti. Onyń qazirgi orny belgisiz, dep habarlaıdy infohub.kz.
Aldyn ala málimetter boıynsha, áıel týrısik top quramynda bolyp, Nepaldan Qytaı aýmaǵyna ótken.
«Bizdiń azamatshamyzdyń qazirgi orny ázirge belgisiz. İzdestirý jumystary júrgizilýde. Qazaqstandyq dıplomattar jergilikti memlekettik organdarmen jumysty jalǵastyrýda», — dedi SİM resmı ókili Janbolat Ýsenov «Kýrsıvke».
Oqıǵanyń basqa mán-jaılary, sonyń ishinde týrısik toptyń shekarany qashan kesip ótkeni jáne qazaqstandyqtyń qandaı jaǵdaıda joǵalǵany ázirge habarlanbaıdy.
Buǵan deıin Nepal men Qytaı shekarasyndaǵy joıqyn sý tasqynynan keıin júzdegen týrıs habar-osharsyz ketkeni habarlanǵan bolatyn. Nepal bıliginiń dereginshe, 160-tan astam adam qaza tapqan, izdestirilip jatqandar tiziminde 579 týrıs bolǵan, onyń ishinde 28 elden kelgen 466 sheteldik bar.
Tabıǵı apat 26 tamyzda Rasýva taýly aýdanynda boldy: sý, laı jáne tas aǵyndary úılerdi, joldardy, kópirlerdi jáne basqa da ınfraqurylym nysandaryn qıratty.