Nepalda Qytaımen shekaradaǵy kóshkinnen týyndaǵan iri sý tasqyny boldy. Tabıǵı apat saldarynan júzdegen adam habarsyz ketti, dep habarlaıdy infohub.kz saıty.
RIA Novostıdiń habarlaýynsha, tańerteń taýly aımaqta qatty sý aǵyny Bhote-Koshı ózenine quıyldy. Stıhıa Rasýva okrýginiń birneshe aýdanyna eleýli zıan keltirdi. Bılik tómengi aǵystaǵy eldi mekenderde joǵary daıyndyq rejımin engizdi. Nepaldyq BAQ derekterine sáıkes, sý Qytaı tarapynan kelgen.
Nepaldyń týrızm basqarmasy sý tasqynynan keıin 380-nen astam týrısiń habarsyz ketkenin habarlady. Týrısik kompanıalardan alynǵan aldyn ala málimetter boıynsha, zardap shekken aýdandarda 384 adam tabylmady, onyń ishinde 291 shetel azamaty jáne 93 nepaldyq bar.
Nepaldyń syrtqy ister mınıstri Shıshır Khanal iri sý tasqynynyń sebebi jer silkinisi jáne odan keıingi kóshkin bolǵanyn málimdedi. Onyń aıtýynsha, jer silkinisi jergilikti ýaqyt boıynsha tańǵy 08:37-de, ıaǵnı Astana ýaqytymen 07:52-de bolǵan. Jer asty dúmpýlerinen iri kóshkin júrip, ózendi bógep, sý tasqynyn týdyrǵan.
Úkimet qutqarý jumystaryn bastap, zalal týraly tolyq derekterdi jınaýda. Oqıǵanyń mán-jaıy kórshi eldermen birlesip naqtylanýda.