Nepaldaǵy apat odan ári ýshyǵyp keledi: úkimettiń sońǵy derekteri boıynsha, joıqyn sý tasqyny saldarynan qaza tapqandar sany 734 adamǵa jetti, dep habarlaıdy infohub.kz saıty.
Jańartylǵan málimetke sáıkes, habar-osharsyz ketkender sany 2 498 adamdy quraıdy, onyń 589-y — shetel azamattary. Barlyq zardap shekken aımaqtarda qutqarý jumystary jalǵasýda. İzdeý-qutqarý jáne gýmanıtarlyq operasıalarǵa 19 895 qaýipsizdik qyzmetkeri tartylǵan, onyń ishinde Nepal armıasynyń 8 399 áskerı qyzmetshisi, 7 213 polıseı jáne 4 203 Qarýly polısıa kúshteriniń jaýyngeri bar.
Bılik ókilderiniń málimdeýinshe, qazirgi ýaqytta 8 186 adam qutqarylǵan. Apattyń aýqymy qaza tapqandardy anyqtaýda úlken qıyndyqtar týǵyzýda: tanylmaǵan máıitter eldiń ártúrli aımaqtaryndaǵy 21 aýrýhanaǵa saqtaý jáne keıinnen taný úshin jiberildi.
Eske sala keteıik, 26 tamyzda Qytaı men Nepal arasyndaǵy shekara ótkeliniń mańynda kóshkin júrip, jol qozǵalysy, baılanys jáne elektrmen jabdyqtaý buzylǵan edi. Keıinnen jer silkinisi men odan keıingi kóshkinnen týyndaǵan qatty sý tasqyny adamdardyń jappaı habar-osharsyz joǵalýyna ákeldi.
Keshe Qazaqstannan kelgen týrısiń izdestirilip jatqany belgili boldy, ol týrısik top quramynda Qytaıdan Nepalǵa shekaradan ótken edi. Búgin Syrtqy ister mınıstrligi taǵy bir qazaqstandyq áıeldiń izdestirilip jatqanyn habarlady.
Sońǵy málimetter boıynsha, jaǵasynan asqan kólge baılanysty Nepaldaǵy qutqarý jumystaryn ýaqytsha toqtatýǵa týra keldi.