Nepaldaǵy joıqyn sý tasqyny keminde 2,56 mıllıard dollar kóleminde zalal keltirdi, dep habarlaıdy infohub.kz saıty.
Nepaldyń tótenshe jaǵdaılardy basqarý jáne táýekelderdi azaıtý ulttyq basqarmasynyń basshysy Dharma Radj Ýpretı shyǵyn kólemin aıtty. Onyń aıtýynsha, stıhıa jyljymaıtyn múlikke, turǵyn úılerge jáne ınfraqurylymǵa atalǵan somaǵa zaqym keltirgen.
Qalpyna keltirý jumystaryna alǵashqy tórt aıda shamamen 52,6 mıllıon dollar qajet bolady. Bul qarajat joldardy qalpyna keltirýge, ýaqytsha baspanalar salýǵa, sondaı-aq halyqty aýyz sýmen jáne elektr qýatymen qamtamasyz etýge jumsalady.
Sońǵy derekterge sáıkes, qaza tapqandar sany 1,2 myńnan asty.
Eske salaıyq, 26 tamyzda Qytaı men Nepal arasyndaǵy shekara ótkeli aýdanynda jer kóshkini júrip, bul jol qozǵalysyna, baılanysqa jáne elektrmen jabdyqtaýǵa áser etti.
Qazaqstan Syrtqy ister mınıstrligi Nepal men Qytaı shekarasyndaǵy tabıǵı apat aımaǵynda úsh qazaqstandyq áıeldi izdep jatqanyn habarlady. Sondaı-aq, Nepalda sý tasqynynan qaza tapqandardyń aty-jóni anyqtalmaǵan máıitterin ortaq qabirlerge kóptep jerleı bastaǵany belgili boldy.
Taıaýda Nepal bıligi eldegi joıqyn sý tasqynynyń sebebin atady.