Izraıl premer-mınıstri Bınámın Netanáhý Tel-Avıvtiń Flydubai áýekompanıasynyń ushaǵyndaǵy oqıǵany tergeýge qosylýy múmkin ekenin joqqa shyǵarmady. Bul týraly saıasatker Fox News telearnasyna bergen suhbatynda málimdedi, dep habarlaıdy infohub.kz saıty.
Telearnamen áńgime barysynda Izraıl úkimetiniń basshysy ustalǵan adamnyń qazir jaýap alynyp jatqanyn atap ótti.
«Shabýyl jasaǵan ushqysh qazir Saýd Arabıasynda tergeýde. Meniń oıymsha, ol ózi týǵan, nemese kem degende ushyp shyqqan Emırattarǵa jetkiziledi. Biz bul tergeýdi qadaǵalaımyz, múmkin oǵan qatysamyz», — dedi Netanáhý.
Izraıl Áskerı-áýe kúshteriniń ıstrebıtelderi ushaqqa qaraı kóterildi. Keıin áýe kemesiniń Saýd Arabıasyna qonǵany belgili boldy. Sodan soń Flydubai áýekompanıasy Izraıl teledıdaryna Dýbaı — Tel-Avıv reısinde ushqyshtar arasynda ushaq bortynda tóbeles bolǵanyn habarlady.
Kóp uzamaı ushaqtan alǵashqy foto men vıdeo paıda boldy. Sýrette shabýyldaýshymen kúresken boljamdy jolaýshy beınelengen. Al bılik ushqyshtardyń biri ushaqty ádeıi qulatpaq bolǵan degen nusqany tekserýde. Onyń áreketin ekinshi ushqysh pen onymen kúreske túsip, apatty boldyrmaǵan ızraıldik jolaýshylar toqtatqan boljam bar.
Buqaralyq aqparat quraldarynda Ýkraına men Reseıden kelgen ushqyshtar jolaýshy retinde ushyp, FlyDubai ushaǵynyń basqarýyn qolǵa alǵany týraly da habarlandy.
Keıin FlyDubai ushaǵynyń bortynda áriptesiniń shabýylynan zardap shekken ushqysh Úndistan azamaty Smıt Machchhar bolǵany belgili boldy.
Flydubai áýekompanıasy oqıǵa tergeýi aıaqtalǵansha Izraılge jáne keri baǵyttaǵy reısterdi toqtatty.
Izraıl premer-mınıstri Bınámın Netanáhý tóbeles shyǵarǵan ushqyshty zararsyzdandyrýǵa kómektesken Flydubai reısiniń jolaýshysymen kezdesti.
Sondaı-aq oqıǵa saldarynan jaralanǵan ushaq kapıtanynyń jaǵdaıy týraly da belgili boldy.