Izraıl premer-mınıstri Bınámın Netanáhý Dýbaı — Tel-Avıv reısin oryndaǵan ushaq bortynda áriptesine shabýyl jasaǵan FlyDubai áýekompanıasynyń ushqyshy ustalyp, qazir saýd bıligi tergep jatqanyn málimdedi, dep habarlaıdy infohub.kz saıty.
Izraıl úkimeti basshysynyń málimdemesi orys tildi resmı Telegram-arnada jarıalandy. «Shabýyl jasaǵan ushqysh ustalyp, qazir saýd bıligi tergep jatyr. Jolaýshylardyń odan ári qaýipsizdigin qamtamasyz etip, olardyń aman-esen úılerine oralýyn qamtamasyz etý úshin tıisti organdarmen únemi baılanystamyz», — dep keltiredi Netanáhýdyń sózin NUR.KZ.
Premer-mınıstr sondaı-aq ushaq bortyndaǵy jolaýshylardyń barlyǵy derlik Izraıl azamattary bolǵanyn atap ótti. «Erekshe tapqyrlyq pen batyldyq tanytqan qaharmandarǵa qurmet kórsetemin. Olar kóptegen adamnyń ómirin saqtap, aýyr apattyń aldyn aldy. Qaýipsizdik qurylymdaryna yqtımal qosymsha qaterlerge daıyndalýdy tapsyrdym», — dedi ol.
Oqıǵa FlyDubai áýekompanıasynyń áýe kemesiniń bortynda boldy. Ushaqqa qaraı Izraıl Áskerı-áýe kúshteriniń ıstrebıtelderi kóterildi. Keıin laınerdiń Saýd Arabıasyna qonǵany belgili boldy.
Flydubai áýekompanıasy Izraıl teledıdaryna Dýbaı — Tel-Avıv reısinde ushqyshtar arasynda tóbeles bolǵanyn habarlady. Kóp uzamaı ushaq salonynan alǵashqy foto men vıdeo paıda boldy: sýrette shabýyldaýshymen kúreskeni boljamdalǵan jolaýshy beınelengen.
Bılik ushqyshtyń biri ushaqty ádeıi qulatpaq bolǵan degen nusqany tekserip jatyr. Onyń áreketin ekinshi ushqysh pen onymen kúreske túsip, apattyń aldyn alǵan ızraıldik jolaýshylar toqtatty dep boljanady.
Ushqyshtardyń azamattyǵyna qatysty taǵy bir nusqa da aıtyldy. Reseı men Ýkraına azamattyǵy týraly nusqadan keıin ushqyshtardyń Oman men Birikken Arab Ámirlikteriniń azamattary ekeni týraly derekter paıda boldy.
Keıinirek ushqyshtyń biri shabýyldan keıin pyshaq jaraqatynan kóz jumýy múmkin ekeni týraly aqparat shyqty. Sondaı-aq BAQ ushaq basqarýyn qolǵa alǵan Reseı men Ýkraınanyń eki ushqyshy jolaýshy retinde ushqanyn anyqtady.