Túrik soty «Sýmýd» gýmanıtarlyq flotılıasynyń isin qarap, Izraıl premer-mınıstri Bınámın Netanáhýdy Interpol arqyly halyqaralyq izdeýge jarıalaý týraly sheshim qabyldady. Bul týraly infohub.kz saıty habarlaıdy.
Halk TV telearnasynyń habarlaýynsha, Netanáhý jáne 34 ızraıldik sheneýnik adamzatqa qarsy qylmys, genosıd, densaýlyqqa qasaqana zıan keltirý, bostandyǵynan aıyrý, qatygezdik, tonaý jáne kólik quraldaryn zańsyz ustaý sıaqty qylmystarmen aıyptalýda.
«Sýmýd» gýmanıtarlyq flotılıasy (arab tilinde «sýmýd» — «tózimdilik» degen maǵynany bildiredi) — halyqaralyq azamattyq bastama. Oǵan 45 elden 500-den astam belsendi qatysqan 50-den kóp keme kirdi. Maqsaty — Izraıldiń Gaza sektoryna teńiz blokadasyn buzyp ótip, gýmanıtarlyq kómek jetkizý. Qazanda tarıhtaǵy eń iri azamattyq kolonna Kıpr mańynda Izraıl áskerı-teńiz kúshterimen toqtatyldy. Flotılıa qaıtadan túriktiń Marmarıs portynan jolǵa shyqty. Izraıl kemeleri Krıt pen Kıpr jaǵalaýyndaǵy beıtarap sýlarda ustaý operasıasyn bastap, 175-ke jýyq belsendini ustady. Bul halyqaralyq arenada qaıtadan shıelenis týdyrdy.
Túrkıa prezıdenti Rejep Taıyp Erdoǵan buǵan deıin qazirgi Izraıl úkimeti «soǵysqa táýeldi bolyp qalǵanyn» jáne Taıaý Shyǵysty qantógiske qaıta batyrýǵa múmkindik almaýy kerek ekenin aıtty.