Izraıl premer-mınıstri Bınámın Netanáhý Izraıl qorǵanys armıasyn (SAHAL) synaǵan ızraıldikterdi azamattyqtan aıyrýǵa nıetti ekenin málimdedi, dep habarlaıdy infohub.kz saıty.
Onyń aıtýynsha, jaqyn arada eki zań jobasy qaraýǵa usynylady. Birinshisi Izraıl qorǵanys armıasyn synaǵany úshin azamattyqtan aıyrý múmkindigin qarastyrsa, ekinshisi jala japqany úshin sot talap-aryzy boıynsha óndirip alynatyn somany ulǵaıtýdy kózdeıdi.
Bul málimdeme ızraıldik rejıserler Iýval Abraham men Rahel Shordyń NAZA fılmi 83-shi Venesıa halyqaralyq kınofestıvaliniń arnaıy júrı júldesin alǵannan keıin jasaldy. Týyndyda avtorlar Palestınanyń radıkaldy HAMAS qozǵalysynyń 2023 jylǵy 7 qazanda Izraılge jasaǵan aýqymdy shabýylyn kótergen. Fılmniń ataýy azamattyq turǵyndar arasyndaǵy janama shyǵyndy bildiretin ıvrıt termıninen shyqqan.
Netanáhý Abraham men Shordy tikeleı atap, olardy azamattyqtan aıyrýǵa qaýiptendi. «Olardyń bul jerde orny joq», — dedi premer-mınıstr.
Ol sondaı-aq ızraıldik áskerıler men Izraıl memleketiniń bedelin shetelde túsirý úshin qylmystyq qýdalaýdy dereý bastaýdy tapsyrdy.